كلمات ترنيمة كام % | كام في المِيَّة *

1- لما حسبت عدد أيام العمر اللي انا عشتها باليوم

قلت أشوف بالمره إذا كنت بتاخد فعلاً حقك فيَّ

وحاولت احسب بالتقريب كده أنا مديك منهم كام يوم

أنا مكسوف دلوقتي أقول لك أنا باديك كام %

القرار

أنا مكسوف جداً نتحاسب أنا مش عارف أقول لك إيه

كنت بأعيش وخلاص مش حاسب ولا على بالي أنا عايش ليه

واتخضيت بعد ما قسمت حياتي لشوية أرقام

بعد ما شفت انا كام % م الأرقام دي ندمت عليه

2- أنا مستغرب جداً نفسي ومش مستوعب أنا مخضوض

المفروض ان انا مش عايش هنا ع الفاضي وده اللي ضايقني

أنا متضايق علشان ضاع من عمري سنين وانا مش موجود

واني أكيد زعلتك طبعاً وانا على عيني زعلك مني

3- هارجع أعيد الحسبة يا رب وأبطل أعيش وكأني خيال

مش هاتحط في نفس الموقف تاني ولازم تفرح بيَّ

من دلوقتي مافيش أيام هتضيع ومافيش تاني استسهال

أنا مش عايز تاني أتكسف أحسب مديك كام %

4- أنا مكسوف يس هنتحاسب حقك لازم يرجع ليك

هاخد بالي بجد وأحاسب علشان نفسي يا رب أرضيك

هافضل فاكر إنك صاحب كل الأيام دي اللي بأعيشها

وانك ليك النسبة الأكبر يعني انا مش بمن عليك