كلمات ترنيمة جوا الدايرة *

أنا مش عارف ليه أنا بأغلط         أنا محبط وبقيت متلخبط

حاسس ان أنا حبي مؤقت          أنا فعلاً فعلاً مليت

وأنا زيك ده أنا يمكن أصعب        دأنا أكتر حد بيستصعب       

ما باكملش وبازهق واتعب         مش باعمل زي أنا ما نويت

وأنا من بعد الألف محاولة          بخسر لسة في نفس الجولة

وباقع واعمل نفس العملة          وارجع تاني مكان ما بديت

واضح ان الحال من بعضه         ماحدش فينا محقق وعده

وماحدش بيعاني لوحده        كلنا قلنا لروحنا يا ريت

كلنا جوا الدايرة إياها        بنلف وبندور جواها

بين النية وبين الفعل        العكسي بقينا ف قلب متاهة

كلنا عندنا نفس الحالة        عندنا أسرار مش متقاله

وحاجات محطوطة ف صناديقنا        السودة ومدفونة ومتشاللة

الفكرة ان انا مش باستسهل         أنا مش عايز احبه قليل

نفسي ما يبقاش قلبي مليل          أنا نفسي أخليه مبسوط

ما انا عارف ما المشكلة واحدة        وعلاقتي معاه بتبان باردة

مع اني باحبه ومش بارضى        اضايقه واعيش وانا مش مضبوط

مش فارق على فكرة ما هو         شايفك عامل ازاي من جوا

والوضوع مش عند وقوة          وقانون وحياة معقدة وشروط

احنا رجانا انه يقبلنا         زي ما احنا كده بعبلنا

دي الحاجه اللي بتحيي أملنا         كل ما يبقى خلاص هيموت

كلنا جوا الدايرة إياها        بنلف وبندور جواها

بين النية وبين الفعل        العكسي بقينا ف قلب متاهة

بس رجانا ان يسوع لينا        هنضلم هينور فينا

وبعد الوقعه اكيد لينا قومه          لما يسوع ياخد بإيدينا