كلمات ترنيمة سَقْف وباب *

1- وبتقولي الظروف صعبه        ومافيش فرصة للأحلام

كفاية انت لسه بتضحك        كفاية ان انت لاقي سلام

كفاية انك ماشفتش حاجه        م اللي يسوع مجربها

ما جربتش تقضي الليل        في عز التلج مش دفيان

ولا نمت ع القش فـ مكان          ما يليقش بمقام انسان

حاجات كتير جربها يسوع          ما تتمناش تجربها

القرار

لو مش لاقي سبب للشكر              فـ أيام مافيهاش راحه كتير

لو مش عارف تشكر ربنا          ليه ومش شايف كل الخير

اتأمل شكل المزود تاني        وانت أكيد هتشوف أسباب

اشكره ع الدفا ع اللقمه الحلوة        وأبسط خير متمتع بيه

اشكر ربنا ع اللي معاك        ويسوع جه للدنيا ما كانش لاقيه

اشكره لمجرد إنك عندك بيت        اشكره على سقف وباب

2- معاك ان الحياه صعبه        ويوم من بعد يوم بنشوف

حاجت سارقة الأمان من ناس          وأسباب للقلق والخوف

لكن مين فينا جرب يعني        ايه طفل اتولد هربان

يسوع كان طفل ساب بلده        وهرب علشان ما يقتلوهوش

ما جربتش تكون وسط الخطر          قده وما حستهوش

ما جربتش تعيش وتموت             مالكش لا بيت ولا عنوان

3- يسوع وقت الميلاد جرب          قساوة الفقر بالتفصيل

مجاش بأغاني واستقبال        جه فـ برود وفـ هدوء الليل

وجه للدنيا في حماية        راجل نجار فقير وبسيط

فما تبصش على ظروفك        وتيأس م اللي جاي قدام

يسوع كان رغم الفقر        أعظم واحد عرفته الأيام

ومش ممكن ظروفك تبقى          أصعب منه مهما حكيت