|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
|
(أصعب علامة إستفهام بتقابلني في علاقتي بيك....
وأكتر وقت بقولك ليه !؟..... وقت مابقي مستنيك
لأني عمرى مابقدر أفهم إنت ليه مطول عليا
ولأني مش بقدر أشوف إللي بتشوفه بعينيك
دايما سبب الحيره ودايما مشكلتي ف فرق التوقيت
أنا علطول مستعجل مهما يبان عليا إني إستنيت
وببقي عاوزك تيجي توافق علي خطتي وبمواعيدي
ياما زعلت وياما عاتبتك اكتر ما قعدت وصليت
علمني يارب أستناك وأفضل هادي وصابر ليك
وأفضل فاكر إنك صالح للي بيفضل مستنيك
فرق التوقيت بيني وبينك ميكونش مخليني أشك
فهمت أو مفهمتش عادي هفضل أقولك واثق فيك
كنت الأول بقعد أفكر لحد ماتعب م التفكير
واخد وقتك ليه بزياده يارب وإيه لزومة التأخير
شايف دايما إنك تقدر تنهي الحيرة بتاعتي ف ثانية
و مش بفهم وقتك و إرادتك و طريقة ترتيب الخير
بس المهم ان أنت فاهم ... انت بتعمل إيه
هي دي الحاجة اللي بتطمن..ده الإيمان اللي بعيش بيه
ودورى اني أصدق إنك صالح طول الوقت وبس
وعشان وقتك دايما أحسن من وقتي فأنا مستنيه
أخترت إني يارب أستناك هاهدا وهفضل صابر ليك
علشان عارف إنك صالح للي بيفضل مستنيك
فرق التوقيت بيني وبينك ميكونش مخليني أشك
فهمت أو مفهمتش عادي هفضل أقولك واثق فيك
____________________
* كلمات: إميل يوسف - ألحان: مينا حليم - ألبوم: فرق توقيت -
فريق صدى صوت
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/faa/far2.html
تقصير الرابط:
tak.la/kqv2s44