|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
|
1- كنت هاسَلِّم كنت على وشك التراجع
كنت خلاص قربت استسلم
كنت زهقت وناوي اقولك أنا مش عايز اكمل تاني
فاكر يومها كنت باشاور عقلي وسامع
مليون صوت بيقوللي اعملها
لكن صوتك وقتها كان اقوى واقرب صوت لوداني
انت ناديتني وقلتلي عندك ليا حياة جديدة هتتعاش
قلتلي انسى الماضي وهات ايدك وتعالى ابدأ م الاول
خدت حياة جديدة بمستقبل وبأحلام كل ده ببلاش
جيت لونت حياتي السودا وشكل العمر بحاله اتحول
أنا يوم لقايا بيك يا رب حقيقي كان نقطة تحول
2- وانا عن نفسي من كتر ما عاندتني ظروفي
كنت مسلم حلمي ليأسي
شبح الفشل اللي مخوفني دفعني افكر فيك بسذاجة
كنت بافكر انك راضي بقلقي وخوفي
وانت أساساً مش بتفكر
غير ف سعادتي وراحة بالي وفجأه غيرت كل حاجه
لما ناديتني وقلتلي عندك ليا حياة جديدة هتتعاش
قلتلي انسى الماضي وهات ايدك وتعالى ابدأ م الاول
خدت حياة جديدة بمستقبل وبأحلام كل ده ببلاش
جيت لونت حياتي السودا وشكل العمر بحاله اتحول
أنا يوم لقايا بيك يا رب حقيقي كان نقطة تحول
3- وانا ف حكايتي كنت باقول أخر أيامي
كنت مفكر جايه نهايتي
إيدك دخلت وسط المشهد عملت شئ بره احتملاتي
جيت تحييني بعد ما شفت الموت قدامي
شفتك واقف بينه وبيني
كنت هاموت فعلاً لولا انت جيت يا يسوع انقذت حياتي
يومها ناديتني وقلتلي عندك ليا حياة جديدة هتتعاش
قلتلي انسى الماضي وهات ايدك وتعالى ابدأ م الاول
خدت حياة جديدة بمستقبل وبأحلام كل ده ببلاش
جيت لونت حياتي السودا وشكل العمر بحاله اتحول
أنا يوم لقايا بيك يا رب حقيقي كان نقطة تحول
انت ناديتنا علشان عندك لينا حياة جديدة هتتعاش
____________________
* كلمات: إميل يوسف - ألحان: سامح عبيد - ترنيم: حياة جديدة باند.
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/noon/no2tet.html
تقصير الرابط:
tak.la/gjf36m8