كلمات ترنيمة هانفضل نصلي *

1- حقنا عندك يا رب          ومش هييجي إلا بإيديك

واحنا على موقفنا          زي كل مرة بنناديك (2)

مش هنعمل أي حاجة        عكس ما انت طلبت منا

هنصلي للي بيعادبنا        يا رب ويعاديك

القرار

(هنفضل نصلي ان انت تتمجد         في وسط الحزن وفي وسط الآلام

وهنفضل نصلي تبعت عزاك          للي لا يمكن يوم يعزيهم كلام) (2)

ابعت سلامك          احنا مش طالبين يا ربي حاجه غيره

زي اليومين دول         الملايكة قالوا على الأرض السلام

(سلام على الأرض السلام) (4)       

2- السنين تشهد يا رب         ان انت بتجيب الحقوق

انت فوق العالي أعلى        انت فوق الكل فوق (2)

مستحيل تدينا ضهرك        مستحيل تتخلى عنا

بكره كل الناس تشوف        ردك وكل الناس تفوق