أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة حِتَّة مِنَوَّرَة ضَلِّمِت *

 

حته منورة ضلمت لما انت مشيت
سايب علامة في كل قلب وكل بيت
ولو الحاجات بتبكي كانت بكت فراقك
مكانك برد فجأة وفضي لما اختفيت
تفاصيل فراقك كتير وصعبة وماتتحكيش
والوقت بينسي انما انت ماتتنسيش
لكن رجانا ان الكتاب قال على اللي زيك
انه حتى لو مات اكيد راجع يعيش
حمدلله على السلامه .. وصولك للسما
هتوحشنا انما .. في حاجات بتعزي ياما
اللي انت زرعته فينا .. والسيرة الطيبة
هيخلوا التجربة .. الصعبة تهون علينا
حزننا عليك مش هيبقى بدون رجاء
زي اللي حياتهم بتقف بعد الفراق
بالايمان احنا لينا معونة وتعزية
ويسوع قادر يهون وجع الاشتياق
مبروك عليك الراحة ومكانك الجديد
وجودك مع المسيح افضل بكتير اكيد
هنحافظ على الوصية وهنشوفك في السما
بكره الايام تعدي ولقانا مش بعيد
حمدلله على السلامة وصولك للسما..
انت مشيت انما على رجاء القيامة
الحتة اللي انت فيها مهونة حزننا
وسيرتك وسطنا هنعيش نتباهى بيها

____________________
* كلمات: إميل يوسف - ألحان: بيتر بديع - ترنيم: بيتر بديع مع بيمن بديع.

---