1
قلبي مصدق فيك ومسلم وبرضو مقلق م الأيام..
حاسس حاجه وعكس الحاجه ف نفس الوقت ومش مظبوط ..
مش عارف ابطل تفكير .. مش قادر ادوق اي سلام..
وكل ما احاول أقوم بستسلم تاني وبفضل مش مبسوط
قرار
أنا مليت الأوضه الضلمه .. مليت القصه المعتاده..
ودوامة التفكير البايخه انا مش عايز أعيش فيها تاني ..
انا مايصحش اخاف كل اما .. اشوف حبة أحداث متعادة..
وأسيب الأيام تسرق مني هدوئي وراحتي معاك وأماني..
2
انا زعلان من نفسي عشان سبت الخوف على قلبي يسود ..
مش مفروض الخوف على قلبي ولا مفروض يبقاله مكان..
فيه حاجات طول ما إنت اللي معايا ميصحش يبقالها وجود..
وإلا هكون بنسى اللي بتعمله واللي عملته معايا زمان ..
1/2(مز 23: 4)تلميح
أَيْضًا إِذَا سِرْتُ فِي وَادِي ظِلِّ الْمَوْتِ لَا أَخَافُ شَرًّا، لأَنَّكَ أَنْتَ مَعِي. عَصَاكَ وَعُكَّازُكَ هُمَا يُعَزِّيَانِنِي.
(مز 103: 2)تلميح
بَارِكِي يَا نَفْسِي الرَّبَّ، وَلَا تَنْسَيْ كُلَّ حَسَنَاتِهِ.
3
انا أسف على خوفي وحيرتي وحالة القلق اللي بدون داعي ..
المفروض علشان انا عارفك اللي انا فيه مايكونش بيحصل..
تيجي ازاي تبقى مطمّني واخاف اللي جيّ يزيد أوجاعي !!
انا مكسوف من نفسي ونفسي سلامك يرجع تاني ويوصل..
(يو 14: 27)تلميح
«سَلاَمًا أَتْرُكُ لَكُمْ. سَلاَمِي أُعْطِيكُمْ. لَيْسَ كَمَا يُعْطِي الْعَالَمُ أُعْطِيكُمْ أَنَا. لَا تَضْطَرِبْ قُلُوبُكُمْ وَلَا تَرْهَبْ.
