أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة مش على بالك *

 

رغم إن إنت مبتقصرش معايا و حبك ليا واصلِّي ..
لِسّه بعانى بأسئلة دايمًا شاغله دماغي و لسه بَفَكّر ..
اللى سمحتلي بيه كان ليه و إيه قصدك ف اللي بيحصلي ؟؟ ..
رابطانى الأسئلة و فضولي هيموتنى و نفسى أتحرر ..

أنا مش عايز ييجى الوقت اللي اضعف فيه تانى و أقولهالك ..
عايز أطمِّن قلبي ف خوفُه و أحِسّك جمبى لو إتهزيت ..
نفسى أسَكِّت صوت بيقولي إن إنت نسيتنى و مش علي بالك ..
و أقدر اقول للدنيا بحالها إنه لا يمكن تبقي نسيت ..
..
عارف إنك مبتعملش حاجات للصدفه و كله لخيرى ..
علشان كده أنا نفسى ألاقي إجابة عشان أهدا و أرتاح ..
يا تفهمنى و أبطل أدوَّر علي حاجة توَقَّف تفكيرى ..
يا تعزينى عشان متعبش .. لوحدى أنا صعب أكون مرتاح ..
..
أنا مش عايز ييجى الوقت اللي اضعف فيه تانى و أقولهالك ..
عايز أطمِّن قلبي ف خوفُه و أحِسّك جمبى لو إتهزيت ..
نفسى أسَكِّت صوت بيقولي إن إنت نسيتنى و مش علي بالك ..
و أقدر اقول للدنيا بحالها إنه لا يمكن تبقي نسيت ..
..
أنا محتاج جداً لسلامك و يمكن مش محتاج حاجه غيره ..
لو راح منى أنا صعب أعدِّي و وارد إنى أضعف و أنهار ..
الأيام عماله تجيب و تودّي ف خوف و الخوف ده مسيره ..
يكبر جوه الدايره بتاعتي و أخسر لو سبتنى محتار ..
..
أنا مش عايز ييجي الوقت اللي اضعف فيه تاني و أقولهالك ..
عايزك تبقي مطمِّن قلبي و أحِسَّك جمبي لو إتهزيت ..
و أبقي مصدّق مهما يقولوا إن إنت نسيتني و مش علي بالك ..
و أقدر أقول للدنيا بحالها إنه لا يمكن تبقي نسيت ..

____________________
* كلمات: إيمان فايق - ألحان: باسم فوزي - ألبوم: فرق توقيت - فريق صدى صوت

---