كلمات ترنيمة شلت عنيا من علي الناسشلت عنيا من علي الناس

شلت عينيَّ من ع الناس عنيَّ خلاص حاططها عليك إنت لوحدك بالنسبة لي بحب الدنيا وهاشبع بيك

إنت حبيب بألف حبيب بموت وصليب إنت يسوع إنت اللي بسببه بقيت غالي وانت الفارق ف الموضوع

أنا جربت ادخل أحضان بترحب بيَّ في أفراحي وبترفضني في عز جراحي جربت الحب اللي بيخلص والحب أبو طلبات وشروط

جربت ومالقيتش مكان يقبلني بضعفي وبعيوبي ويسعني بغلطي وبذنوبي صبر الناس كان دايماً ينقص ويقل لغاية ما يموت

شلت عنيَّ من ع الناس عشان الناس حبال بتدوب وحيطان بتميل باللي عليها وعنين واقفة تنقي عيوب (مز 27: 10)تلميح إِنَّ أَبِي وَأُمِّي قَدْ تَرَكَانِي وَالرَّبُّ يَضُمُّنِي.

وانت عنيك ماجرحتنيش مارفضتنيش وانا غلطان عندك رحمة انا متشاف بيها أستاهل ستر وغفران

شكراً علشان مارمتنيش وعنيك الحلوين يا حبيبي ياما قبلوني وانا على عيبي باتساب من الدنيا بتغليني وبتمسكني ومش بتسيب

حبك كافي لقلبي يعيش لو حتى ماحدش في حياتي إنت القيمة اللي في حكاياتي واقولك تاني إنت في عيني بكل الناس وبألف حبيب