|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
|
كالعادة لنفس الأسباب .. باطلع ف الآخر كداب
بافضل اقول هاديك أيامي .. وبانام وباقوم ناسي كلامي .. كأنه فص ملح وداب
أنا عايش نفس الحكايات .. نفس البدايات والنهايات
دايرة بالفها وارجع تاني .. بتحرك لكن ف مكاني .. ومش بتعلم م اللي فات
حججي خلاص بقيت محفوظة .. علاقتي معاك بايظة ومهزوزة .. باجي لك بس ف قوت العوزة
وبعدها بامرض بالنسيان
كل الأعذار مش مقبولة .. وآخر غلطة شبه الاولى .. وانا عارف ماهو مش معقولة
باكرر غلطي ومش دريان
حد غيرك يا رب كان .. هايرمي طوبتي من زمان
عمال تباركني وانا أناني .. مابحبكش .. غير بلساني .. والتفاصيل غير العنوان
مابتعبش على علاقتي بيك .. ماباضحيش علشان ارضيك
سلبي معاك بس انت إيجابي .. مستحمل دلعي وأسبابي .. وانا باستسهل آجي عليك
محرج جداً من أفعالي .. ومن استهتاري وإهمالي .. مليون فرصة انت اديتهالي
وكنت معايا طويل الباب
إستنيتني كتير وانا قاسي .. مانع عنك كل حواسي .. مكسوف من قلة إخلاصي
مكسوف من كل اللي اتقال
قلت كتير ان انا غلطان .. قلت اكتير ان انا ندمان
ورجعت وحنيت للماضي .. بس انا قررت المرة دي .. أنا مش هارجع زي زمان
عايز اقول لك نفسي أعيش .. نص الإحساس مابيرضيش
وانا مش عايز أرجع تاني .. نص معاك والتاني أناني .. وحبي ناقص مايكفيش
المرة دي ومش كالعادة .. غير المرات المعتادة .. عندي عزيمة وعندي إرادة
وناوي اني ابتدي صح معاك
ناوي خلاص اعمل بكلامي .. فضيت لك قلبي وأيامي .. أنا عايزك يا يسوع قدامي
وعايز أفضل ماشي وراك
____________________
* كلمات: إميل يوسف - ألحان وترنيم: بيتر بديع.
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/kef/kal3ada.html
تقصير الرابط:
tak.la/xaa2cc3