كلمات ترنيمة ابعت حلولابعت حلول

الموجة مهما تشدنا ماسكين إيديك والريح هتقوى احنا برضو هنقوى بيك ومفيش ف مرة هنحني راسنا إلا ليك لينا نجاة طول ماحنا فيك متعلقين (مت 8: 26)تلميح فَقَالَ لَهُمْ: «مَا بَالُكُمْ خَائِفِينَ يَا قَلِيلِي الإِيمَانِ؟» ثُمَّ قَامَ وَانْتَهَرَ الرِّيَاحَ وَالْبَحْرَ، فَصَارَ هُدُوٌ عَظِيمٌ.

آدي المشاكل بين إيديك ابعت حلول وتعالى ريَّحنا وشيل عنا الحمول ياللي فاهمنا بدون ما نحكي أو نقول إنت اللي لينا وغيرك انت لينا مين!

وَفي وأمين طول السنين واللي فِ ضيقة ويندهك يلقاك معين عندك نجاة للغرقانين ومفيش حزين داق عشرتك وِفِضِل حزين

ملك المُلوك ومفيش قُصاد منَّك مُحال عارف هموم شعبك وداري بكل حال قبل السُّؤال عندك إجابة للسُّؤال بتحس بينا عشان كدة مِش قلقانين

وانت معانا مين بقي هيكون علينا! ياللي بمراحمك الكتير ياما اتملينا فيك اتدارينا يا ساترنا ويا حامينا وما دُمت فِ المركب أكيد متطمنين (رو 8: 31)اقتباس فَمَاذَا نَقُولُ لِهذَا؟ إِنْ كَانَ اللهُ مَعَنَا، فَمَنْ عَلَيْنَا؟