St-Takla.org  >   lyrics  >   ar  >   songs  >   seen
 
St-Takla.org  >   lyrics  >   ar  >   songs  >   seen
أرشيف كلمات الترانيم المسيحية | قاعدة بيانات الأناشيد الروحية على الإنترنت
فهرس الترانيم | ترنيمة مكتوبة | نص الترتيلة

كلمات ترنيمة أوبريت سلاح الصلاة   *

 

St-Takla.org                     Divider of Saint TaklaHaymanot's website فاصل - موقع الأنبا تكلاهيمانوت

القرار:

من البداية للنهاية                الحكاية هي هي

دم مالي سطور تاريخنا          مش بينشف من الكتاب

رغم كل آلام وضيقة                        لسة باقية المسيحية

كل أولادها في ثباتهم                        أقوى من معنى العذاب (2)

 

1- الكنيسة في كل محنة        واقفة بسلاح الصلاة

واحنا برضه زي ما احنا        مش بنتهدد بآه (2)

لسة بنحب اللي عادا             واللي خلى القتل عادة (2)

وبنتمنى السعادة                  (ليه وللي جاي وراه) (2)

 

اللي بيه الرب سامح             احنا لازم نرضى بيه

دورنا في العالم نسامح           مهما يحصل فينا إيه (2)

لو يهيج الكون علينا             احنا حب الله مالينا (2)

واللي طالب شر لينا             (شره مش هنرده ليه) (2)

 

2- الدموع في الدنيا ديا          مش بتشطب عـ الأمان

والآلام أصلاً هدية               زي ما وهبنا الإيمان (2)

واللي حب الله وآمن              الطريق بيكونله آمن (2)

مهما يحزن برضه ضامن      (الفرح آخر الزمان) (2)

 

للضيقات لازم نقابل             بالمسيح غالبين أكيد

واللي كان بالشكر قابل          هو ده اللي يكون سعيد (2)

الطريق لازم يضيق             طول مافي في الدنيا ضيق (2)

بس بيسوع الطريق              (أخره فرحه ونور وعيد) (2)

 

3- ياما شهدا بفرح ضحوا      ماتوا في العالم صحيح

بس وسط الدنيا صحوا          ناس تآمن بالمسيح (2)

ده اللي ساب الدنيا عاش         مات ولكن ما أنتهاش (2)      

قالها للعالم بلاش                 (كان بطل واضح صريح) (2)

 

القلوب فعلاً حزينة               كل قلب لـ همه شال

والسما مليانة زينة               جاهزه فوق للإحتفال (2)

فوق حياة ما بتنتهيش                        كل حاجة ما تتحكيش (2)

في السما فعلاً تعيش             (عيشه فوق معنى الجمال) (2)

 

4- بالصلاة رافعين قلوبنا       نطلب الغفران عشان

اللي خلى شكل توبنا             دم غامق من زمان (2)

مش قوي اللي فـ إيده سيف     واللي فجر ده ضعيف (2)

كلهم أوراق خريف              (ضعفهم للكل بان) (2)

 

لسة وقت الشدة باقي                         لسة شهداء فـ كل جيل

لسة بتدور السواقي              دم طاهر راح يسيل (2)

والكنيسة هتبقى حية             راح تدوس على كل حية (2)

والنهاية الحلوة جاية             (فرحة دايمة وأكاليل) (2)

____________________
* ترنيم: مايكل منير - سارة معروف - وآخرين.


© st-takla.org موقع الأنبا تكلا هيمانوت: بوابة عامة عن عقيدة الكنيسة القبطية الأرثوذكسية، مصر / إيميل:

الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع | اتصل بنا

https://st-takla.org/lyrics/ar/songs/seen/sla7.html