أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة قوموا نصلي يا شعب الله *

 

القرار:

قوموا نصلي يا شعب الله        نتوحد كلنا في صلاة (2)

فيها خشوع ويا دموع            وبعمق إيماننا هنلقاه

ييجي وسطينا ويعزينا           ويدينا سلام ورجاء

 

1- صلوا عشان العالم كله       اللي عدو الخير بيضله (2)

نرفع صوتنا نصلي نقوله       ينقذنا من قيده وذله (2)

قوموا نصلي

صلوا وقولوا يا رب سلام       يملى قلوبنا على الدوام (2)

يهدى الطفل في روحه ينام     من غير خوف وقلق وآلام (2)

قوموا نصلي

 

2- صلوا يا رب الخير يملانا   وانزع كل شرور جوانا (2)

تشرُق شمس النور في سمانا    تمحي أي ظلام عمانا (2)

قوموا نصلي

صلوا عشان المحتاجين         والفقرا اللي مش لاقيين (2)

واللي يباتوا الليل جعانين        اشبعهم بالخير يا مُعين (2)

قوموا نصلي

 

3- واللي بقاله كتير مظلوم      اللي في حزنه ينام ويقوم (2)

عايش كل حياته هموم           انصفه انت بنصرة تدوم (2)

قوموا نصلي

واللي مريض واليأس ملاه      ضاعت كل آمال جواه (2)

لمسة بإيدك يا الله                تمسح دمعه يتم شفاه (2)

قوموا نصلي

 

 

4- صلوا الوحدة تملى صفوفنا  وتشبك مع بعض كفوفنا (2)

إيد الرب تطمن خوفنا           وتجمع بالحب حروفنا (2)

قوموا نصلي

تبقى صلاتنا لينا سلاح          وسط آلامنا وكل جراح (2)

تنهي الحزن وكل نواح          وتخلي التعبان يرتاح (2)

قوموا نصلي

____________________
* كلمات: راني ثروت - ألحان: مارك إسحق - ترنيم: سعد فاروق - ماريان عادل - جوزيف عيسي - مارسيل فايق.

---