1
ماتخيلتش مرة تسبني
ماتصورتش لحظة فُراقَك
وهايوحشنى كل كلامك
مصر بجد حزينة عشانك
كلنا عايزينك ويانا
سايب ناس رافضين يسبوك
ماسكين فيك عشان أنت أبونا
وكل ولادَك بيحبوك
قرار
أنت كبير العيلة بتاعنا
ماشي وسايب حِمْل تقيل
بس إلهنا أكيد هايعزى
(كل)2 قلوب المصريين
2
أنا مش قادر لسه أجمَّع
حاسس بس إن أنا مخضوض
لما باشوف عنك أو أسمع
بيقولوا أنك مش موجود
حاسِس إن ده حِلم أكيد
إزاي يعنى هاتبقى بعيد؟!
مين هايقول الوعظة مكانك؟
مين هايصلي معانا العيد؟
3 كنت أمين لنهاية الخدمة
كنت الوتَد السانِد لينا
كان النَّفَس الخارِج مِنَّك
بركة ونعمة كبيرة علينا
علمتنا نسكُت في الشدة
ونسيب ربنا اللي يقول
أقوى كلامك قُلْتُه في صَمْتَك
وريتنا في الصمت حلول
(خر 14: 14 ) تلميح
الرَّبُّ يُقَاتِلُ عَنْكُمْ وَأَنْتُمْ تَصْمُتُونَ».
4 أنت هاتوحش عيني وقلبي
لكن هلاقيلَك بصمات
هافضل حاطط صورَك جنبي
وشايل ليك جوايا حاجات
ليك كلمات عُمري ما هانساها
مهما يعدي عليَّ سنين
و"كله للخير" زي ما قُلت
و"ربنا موجود" لينا مُعين
‹ 1 / 2› (عب 13: 7 ) موضوع
اُذْكُرُوا مُرْشِدِيكُمُ الَّذِينَ كَلَّمُوكُمْ بِكَلِمَةِ اللهِ. انْظُرُوا إِلَى نِهَايَةِ سِيرَتِهِمْ فَتَمَثَّلُوا بِإِيمَانِهِمْ. (رو 8: 28 ) تلميح
وَنَحْنُ نَعْلَمُ أَنَّ كُلَّ الأَشْيَاءِ تَعْمَلُ مَعًا لِلْخَيْرِ لِلَّذِينَ يُحِبُّونَ اللهَ، الَّذِينَ هُمْ مَدْعُوُّونَ حَسَبَ قَصْدِهِ.
