كلمات ترنيمة تمجيد أبونا عبد المسيح مقار: نياحتك خدتناتمجيد أبونا عبد المسيح مقار: نياحتك خدتنا

نياحتك خدتنا يا شيخ كهنتنا وف الخلد ضمَك عبير الخضار دف اسكندرية الدموع بللتنا يا ابونا عبد المسيح مقار

يا شيخنا الجليل يا حبيب المسيَا يا فرحان بخلدك وناسى البريَّة يا عمَ النيافة النبيلة النديَة أفانا ديمتريوس حبيب الديار

واخوه الصغيرَ ف ألمانيا كاهن ملاك كنيستنا واسمه بيجول بيخدم فى مهجر وف قلوبنا ساكن يا ابونا الموقَر يا أصل الأصول

وابوك هوَ ابونا مقار فلتاؤوس وكيل الشريعة وكان له طقوس ف دير الجنادلة عطانا الدروس وعاش ف ابو تيج للصغار والكبار

يا ابونا الموقر يا صوت الاله رحلت لخلودك وح افضل أقول حبيب الكنيسة ناديتله ف سماه وتمَ انطلاقك ف ظلَ البتول (في 1: 23)تلميح فَإِنِّي مَحْصُورٌ مِنْ الاثْنَيْنِ: لِيَ اشْتِهَاءٌ أَنْ أَنْطَلِقَ وَأَكُونَ مَعَ الْمَسِيحِ، ذَاكَ أَفْضَلُ جِدًّا.

حياتك قضيتها ف تسعين وأكتر عجوز بسَ كفَك على الصعب يقدر حزننا لرحيلك يا عودنا المخضَر وفرحت قلوبنا بخلدك يا بار (مز 92: 14)تلميح أَيْضًا يُثْمِرُونَ فِي الشَّيْبَةِ. يَكُونُونَ دِسَامًا وَخُضْرًا،

خدمت الكنايس وف اسكندريَة ومنهم كنيسة شهيدنا العظيم وديرنا المحرَق ف لكليريكيَة وساحة دروسك ف ديرنا الحميم

كتير م المطارنة كتير م الأساقفة تلامذة دروسك وصبحم فلاسفة وجودك ف ديرنا ما جاش لينا صدفة قد جالنا بمشيئة صنيع النهار

بابانا شنودة حزن يوم نياحتك وصلى عشانك يا خلَ المسيح ولمَ المطارنة وأساقفة كنيستك وابونا الباخومى الوكيل الصريح

سلام ليك يا غالى ف ظلَ الخلود وكلَ التعازى لكنيسة الودود ياريت نبقى زيَك وننسى الوجود ونصبح جيرانك ف دار العمار