|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
|
كنيستي بحيطان متحوطة بسور و محمي بحضن المسيح
بانيها رعاه من حبهم عشقوا التعب خدموا بصحيح
ولا عمري حبيت غيرها ولا كنت قبليها كيان
كنيستي شيلاني و شايلها و في قلبي أنا العنوان
القرار
(وملايكة عاشوا في وسطنا بنحبهم من قلبنا
دابوا في دفا حضن المسيح عرفوا الطريق من قبلنا) x 2
شفيع لينا في السما أبونا سمعان بإيمان سليم
عاش بالتواضع انما ليه معجزات قديس عظيم
ملاك كنيستنا ببسمتك راعي بأمانة عاش الانجيل
فكرين طبتك حنيتك أبونا مينا ملكش مثيل
القرار
(وملايكة عاشوا في وسطنا بنحبهم من قلبنا
دابوا في دفا حضن المسيح عرفوا الطريق من قبلنا) x 2
أستاذ بنيامين محب الصلاة وديع وبشوش مليان سلام
خادم مثال قدوة حياه عاش بأفعال من غير كلام
وأنا في ابتدائي علمتني أستاذ أنسي أمين وخدوم
سافرت بعدت ووحشتني بحب راعيك سرتك تدوم
القرار
(وملايكة عاشوا في وسطنا بنحبهم من قلبنا
دابوا في دفا حضن المسيح عرفوا الطريق من قبلنا) x 2
دكتور ميشيل أب و صديق مش ناسي يوم من أيامك
عندي في بيتي نبذة ليك تنطق باسمك وبكلامك
شباب كتير فرحونا قريبين لينا و غاليين
بفرقهم علمونا مش ناسين ساجي ومارلين
القرار
(وملايكة عاشوا في وسطنا بنحبهم من قلبنا
دابوا في دفا حضن المسيح عرفوا الطريق من قبلنا) x 2
ملاك بريء كان وسطنا ليسوع شهادة وعلامات
من قلبوا كان بيحبنا يوسف أرق ابتسامة
من الموت بنتعلم دروس متتفهم غير بالصلاة
لو يوم بعيد عنك كابوس لو ليك قريب أجمل حياة
القرار
(وملايكة عاشوا في وسطنا بنحبهم من قلبنا
دابوا في دفا حضن المسيح عرفوا الطريق من قبلنا) x 2
____________________
* كلمات: مرقص نعيم - لحن وتوزيع وهندسة صوت: فادي ميشيل -
ترنيم: كورال كنيسة السيدة العذراء بعياد بك (يوستينا إبراهيم - مينا عاطف -
ساندرا نبيل - بسنت ماجد - مينا إبراهيم - مارينا سمير)
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/kef/kenesti.html
تقصير الرابط:
tak.la/jj4fyg9