كلمات ترنيمة هانتقابل تاني *

كنت حقيقي وطيب جداً           وكريم وحنين وبسيط

وكل الناس عماله تحكيلي                   حاجات عنك من يوم ما مشيت

قالوا انت ما كنتش عادي                             حتى في تعبك قلبك راضي

لكن يا حبيبي المره دي            مافيش تعب انت خلاص خفيت

بيقولوا الأيام بتنسي                بس انا مش ممكن هانساك

واه فيه حاجات انا كان نفسي               تبقالي لحد ما اعيشها معاك (2)

وحكايات ولحظات وكلام                   ليك انت وأيام

بس خلاص دلوقتي سلام                             وهنتقابل تاني هناك

انت في حضن يسوع دلوقتي               فانت أكيد دلوقتي ارتحت

عايش فوق ولا هتشوف تاني              الأتعاب اللي شفتها تحت

دقت حلاوته وشفت جماله                  فرحانه روحك ورايحه له

انا هاتعزى وزي ما قالوا                   انا هافرح عشان انت فرحت

بيقولوا الأيام بتنسي                بس انا مش ممكن هانساك

كل اما افتكر ان انا نفسي                   اشوفك محتاج ابقى معاك (2)

يسوع هيعزيني وهانام            وهيملى فراغ كل الأيام

بس خلاص دلوقتي سلام                             وهنتقابل تاني هناك