كلمات ترنيمة زي النار ما هي في العليقة *

تنسيق مختلف من موقع الأنبا تكلا

1- زى النار ما هى فى العليقة                      وما اتحرقتشى بفعل النيران

مهما لظاها يقيد و يزيد                      و لهيبها يهب بين الأغصان

كانت العدرا تمام  يوم حملت                         جمر لاهوت ابن  الإنسان

قدرات و أهى أنسانة تضم                           (جمر لاهوتة بخير وأمان)(2)

2-زى الفحم فى داخل الشورية                      وكان ممزوج بلهيب النار

هوة ناسوت الرب لاهوتة                            فى وحدة اتحدوا وباستمرار

أما الشوريا دى بطن العدرا                          وحاملة لاهوت و ناسوت البار

و دى مجمرة ذهبية نقاوة                             (وعظمة ورمز أم الأنوار)(2)

3- زى عصاية معاك يا هارون                     نبتت زرع وفيها حياه

طرحت من غير زرع الناس                        مثالها العدرا دى أم الله

زى العدرا بتول على طول                 حملت كلمة و هو الله

أعظم آية و بالروح حملت                           (رب وجةمن أعلى سماة)(2)

4-كانوا لوحين للعهد و حملوا                        كلام الرب فى وقت  زمان

زى العدرا ما حملت  يوم                             الله الكلمة ابن  الإنسان

أم النور توصفها  بقسط                     بداخلة المن و كان لة مكان

رب المجد دا شبة  نفسة                    (بخبز حياة أو من كمان)(2)

5-كان فى تابوت العهد الخير                        قسط المن وبركة معاه

ويا لوحين العهد كمان                       عصا لهارون دى كمان وياة

كل دا وصف لأم  النور                     حاملة الرب نعيم و حياة

زى المن و زى السلوى                     (زى لوحين لكلام الله)(2)

6-تابوت العهد خشب من السنط                     أساسة متين ولا يأكلة السوس

زى العدرا نقية وطاهرة                    اتجسد منها الله القدوس

رمز تابوت العهد  مصفح                            جوة و برة دهب ملموس

رمز نقاوة قلب العدرا                       (فى نظر الله وكل النفوس)2

7- بص النبى حزقيال قام شاف                     فى المشرق باب مقفول

كان ممنوع عن كل الناس                            تنة الباب مقفول على طول

أصل الرب لوحدة فى يوم                            دخل الباب ووصل لة وصول

كل دة كان تأكيد و دليل                     (رمز العذراء تملى بتول)(2)

8-رمز العذراء حمامة جميلة                        سامها الحزن ملآها الجمال

ظهر الروح على شكل حمامة                        كان فى حلولة عليها جلال

أو توصفها  حمامة نوح                     جابت البشرى حياة أجيال

شايلة الغصن لنوح  بيقول                           (بقيت الأرض أمان وأمان)2

9- قبة موسى دى خيمة عظيمة                     جم واجتمعوا فى أعلى  مكان

كان موجود الرب تملى                     فى قبة موسى و مجدة يبان

جوة فى بطن العدرا كمان                            حل الفادى ابن الإنسان

فى الحالتين الله  بيبين                       (كل محبة لشعبة عيان)(2)

10-السماء دى هى عرش النعمة          ساكن فيها النور  ببهاء

أم النور توصفها بأية              أعظم عرش بناة الله

قول سما ثانية لابن  الكلمة                 جة فى حشاها بروح الله

تبقى العذراء دى أم النور                   (عرش السماء وفيها سماة)2

تنسيق مختلف من موقع الأنبا تكلا

تنسيق مختلف من موقع الأنبا تكلا