|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
كيرياليسون.. كيرياليسون.. كيرياليسون.. يا ألله ارحمنا
كيرياليسون.. كيرياليسون.. كيرياليسون.. يا ألله اسمعنا
انظر إلِينا واطَّلِع يا رب علينا
تراءَف علينا احنا شعبك وانت جابلنا
بإيديك عاملنا وبمحبة تملي مِعاملنا
ومن جميع أعداءنا يا مولانا نجينا
نجينا برضو من الغلاء اللي مِهَددنا
احنا عبيدك وانت سَيِّدنا اللي ساندنا
••
يا رب ف همومنا غرقانين
وطوق نجاتنا صلاة
يا رب تتحنن علينا وترضى تسمعها
مستنيين مِنَّك مَدد مانت السند والعون
يا رب فيك مِتعَشِّمين
إنت الشفا من الآه
والنَّفس لو تلجأ إليك بيخِف وَجَعَها
واليأس ف وجودك بيهرب والتعب بيهون
**
من برد دُنيتنا مفيش غيرك انت دفتنا
نوصل لبَر عشان إيديك مستلمة دفتنا
إله عجيب وبتستجيب بابك ماهوش مقفول
وماسبتناش لكن بخيرك إنت كَفِّتنا
غاليين عليك ومن الخليقة اخترت كفتنا
مابتتشغلشي عنا لكن إنت بينا مشغول
**
أغصانك ثَبِّتنا
فيك انت يا كرمتنا
من شوك ملا أيامنا
يا ألله ارحمنا
مِد يَمينك هاتنا
من جوه متاهتنا
من جوه أوجاعنا
يا ألله اسمعنا
____________________
* كلمات: رمزي بشاره - ألحان: يوحنا فيكتور - ترنيم: كورال أغابي، نعمة إسحق.
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/kef/ya.html
تقصير الرابط:
tak.la/d4rswrs