أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة اسمها مريم *

 

مش هقولك ما إنتي عارفة ، ما الكلام ده مالوش نهاية
من طفولتي وإنتي امي ، و من سنين واقفة ورايا
كل ما ابكي تطبطبي ، وإن بعدت تقربي
واما اصلي لحلم عايزه ، إنتي بتصليه معايا

الحكاية من البداية ، فيها عشرة وتجربة
طبطبتها فـ وقت زعلي ، وفـ الليالي المتعبة
إختبرت كتير وجودها ، وإتلمس فـ حاجات كتير
عودتني أقول يا عدرا ، القاها جنبي قريية

لما عنها يطول غيابي ، هي أمي بتيجي تسال
ليها مية مليون طريقة ، إنها للقلب توصل
ليها أسلوبها فـ حضورها ، ليها طلة و يكفي نورها
ليها هيبة وفيها طيبة ، مش بتنقص مهما يحصل

كل يوم بتزيد غلاوة ، وارتباطي بيها يكبر
مش عشان جمايلها لكن ، في ما بينا حاجة أكبر
طبطبتها هي هي ، نفس لمسة أمي ليا
في عشم بيني وبينها ، وحكايات علي طول بتكتر

لما كنت فـ ثانوي مثلا ، هي كانت جنبي حاضرة
كنت احس صلاتها ليا ، لما كنت ابعد لفترة
البسيطة وبتشاركني ، كل تفصيلة فـ حياتي
والطبيعي تبقي بنتي ، إسمها مريم يا عدرا

ناس كتير جواها لهفة ، إنها تشوفك لثانية
بس أنا شايفك بروحي ، مش ضروري تشوف عينيا
أه أكيد جوايا شوق ، إني أشوفك بس فوق
فوق أكيد في حاجات كتيرة ، مش هتبقي ف حتة تانية

____________________
* كلمات : وليد جمال - ألحان: فادي طلعت - ترنيم: فريق المس إيدينا.

---