قرار
أَنَا فِيكْ عَايِشْ مِتْهَنِّي
أَنَا فِيكْ عَايِشْ مَسْرُورْ
أَنَا فِيكْ عَايِشْ مِتْعَزِّي
أَنَا فِيكْ عَايِشْ مَنْصُورْ
أَنَا فِيكْ عَايِشْ فِي حِمَايَه
فِي عِينِيكْ مِنْ أَيّ شرُورْ
وِكفَايْتِي إنْ إنْتَ مَعَايَا
أَنَا فِيكْ عَايِشْ فِي النُّورْ
1
بَاشْكُرْ عَلَى إِحْسَانَكْ لِيَّ
بَاشْكُرْ عَلَى حُبَّكْ يَا حَبِيبْ
بَاشْكُرْ عَلَى شَخْصَكْ يَا فَادِيَّ
أَغْلَى عَطِيَّة وأَحْلَى نَصِيبْ
بَاشْكُرْ عَلَى حَالِي وِمَاضِيَّ
وبَاشْكُرْ عاللي هَا يِجِي كَمَانْ
وَاثِقْ إِنَّكْ تِفْضَلْ لِيَّ
ويِفْضَلْ قَلْبِي بِيكْ فَرْحَانْ
2
بَاشْكُرْ عَلَى أَمْجَادَكْ لِيَّ
اِللي حَافِظْهَا لِي فِي سَمَاكْ
هِنَا عَ الأَرْضْ في أَحْلَى مَعِيَّة
وفِي الأَبَدِيَّة هَاكُونْ وَيَّاكْ
بَاشْكُرْ عَلَشَانْ ضِيقِي الْوَقْتِي
بِحَنَانَكْ بِيْزِيدْنِي إِيمَانْ
وَاثِقْ إِنّ الْمَجْد الأَبَدِي
أَعْظَمْ مِنْ كُلّ الآلامْ
(رو 8: 18)إعادة صياغة
فَإِنِّي أَحْسِبُ أَنَّ آلاَمَ الزَّمَانِ الْحَاضِرِ لاَ تُقَاسُ بِالْمَجْدِ الْعَتِيدِ أَنْ يُسْتَعْلَنَ فِينَا.
