كلمات ترنيمة أنا عايش ليه، وعايش بيه *

1- انا عايش ليه .. وعايش بيه .. وطول حياتي انا محمي فيه

كل السنين

لا باقوله ليه ..ولا أقول له ايه .. أنا بعمل اللي يقول عليه

وباقول أمين

القرار- امين: علشان مصدق مش شاكك

آمين: الله بيرعى ومبارك

وآمين :واثق في إن يسوع يقدر يوجد لي في الصعب مسالك

آمين:علشان معايا وجوايا

آمين: ف صليبه إنا لي حماية

وآمين:لأني سايب له إيدي وعنايته بحياتي كفاية

2- مابقيتش اخاف .. أنا قلبي شاف ..نور المسيح راعي الخراف

ربي الأمين

سندي الشديد .. سيدي الوحيد .. وسلامي فيه مضمون أكيد

وباقول آمين

3- ده مش اعتياد ..ده أيمان وزاد ..ما انا ويسوع ما احناش بعاد

وده عن يقين

وف كل يوم..أول ما اقوم

هابدأ صلاتي بشكر وانهيها بآمين