كلمات ترنيمة النهايات الحلوةالنهايات الحلوة

إستنيتك وف تأجيلك ماتزمرتش ع التأخير عارف إن انا آخرت صابرى معاك يايسوع هاتكون الخير (جا 7: 8)تلميح نِهَايَةُ أَمْرٍ خَيْرٌ مِنْ بَدَايَتِهِ. طُولُ الرُّوحِ خَيْرٌ مِنْ تَكَبُّرِ الرُّوحِ.

خدت السكة الأطول علشان كنت معاك ضامن نهايتها وان كان ع الايام ماضاعتش وكان تعويضك فيها كبير

وقتك أحسن من أوقاتنا وأفكارك نحيتنا سلام مابتعملش حاجات بالصدفة مابتستهترش بالأحلام صالح إنت ورائع جداً يا إله النهايات الحلوة أنا مرتاح عشان انت معايا وطول ما انا ليك ماشى لقدام (إر 29: 11)إعادة صياغة لأَنِّي عَرَفْتُ الأَفْكَارَ الَّتِي أَنَا مُفْتَكِرٌ بِهَا عَنْكُمْ، يَقُولُ الرَّبُّ، أَفْكَارَ سَلاَمٍ لَا شَرٍّ، لأُعْطِيَكُمْ آخِرَةً وَرَجَاءً.

عشت سنين الصبر اتعلم إزاى كنت معايا أمين شفت الاحتياجات مقضية وأنا ماعرفش ازاى ومنين

عمري ماحسيت إنى ضعيف وماليش ضهر وحد حاميني لأ بالعكس انا كنت ف وقت الصعب باطمن ناس خايفين

أنا من يوم ما اخترت أعيشلك ومافيش ليله قضيتها وحيد كنت باحسك كنت تملي باشوف النور لو حتى بعيد وان كنت استنيت على حاجة سنين من عمري فانا متأكد إن الوقت الجي ف عمري حرية وفرحة وتعويض (يؤ 2: 25)تلميح «وَأُعَوِّضُ لَكُمْ عَنِ السِّنِينَ الَّتِي أَكَلَهَا الْجَرَادُ، الْغَوْغَاءُ وَالطَّيَّارُ وَالْقَمَصُ، جَيْشِي الْعَظِيمُ الَّذِي أَرْسَلْتُهُ عَلَيْكُمْ.