|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
إتخانقت في يوم مع صاحبي
خاصمته وسبته كان زعلان
روحت حكيت لبابا وقالي
إن أنا كدا أبقى غلطان
ده بابا يسوع علِّمنا تملي
إنه إله حُب و غفران
إتعلّمت الدرس كويس
روحت صالحت صاحبي قوام
قولت لبابا يسوع يسامحني
وإني فهمت الدرس تمام
قرار
الخطية نقطة سودا تتمحي بتوبة وصلاة
وأرجع تاني صفحة بيضا وأبدأ عهد جديد معاه
ربنا إداني فرصة زي قبلي كتير خُطاة
رجعوا تابوا عن الخطايا ولقيوا في التوبة الحياة
روحت لأبونا أقوله حكايتي
وإعترفت إني غلطان
قام صلالي وإداني بركة
وقالي أتناول بكرة تمام
وبكدا ربي غفرلي خطية
وإداني فرصة جديدة كمان
حسيت وقتها إني برفرف
زي الطير في السما فرحان
كل جمال في كنيستي بيبهر
وفي أسرارها جمالها يبان
____________________
* كلمات: عماد حسني - ألحان: مينا حليم - ترنيم: كيرلس نادر.
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/faa/haya.html
تقصير الرابط:
tak.la/mka5z2h