خطوط متلخبطة مش فاهم حاجه منها .
انا اصلا مش شايفها دي شوية شخبطة
مش لامح اى لون . مش قادر أكون فكرة وماعنديش وقت لبكره
فكفايه رسم قوم
انا لوحتك مش عجبانى مع إنها ماخلصتش ولسه ماشفتهاش
مش بتحقق احلامى . دى لسه ماتلونتش فخلاص ماترسمهاش
انا حسك مش حاسسنى وأنا مش فارق معاك .. سألتك مية سؤال
سكُوتك دا متضايقنى ف أنا مش هقعد معاك .. معلش هقوم انام
وصحيت لاقيتها صورتى . مرسومة ضحكيتى .
ولاقيت واحد شايلنى . يشبه إللي راسمنى .
و دى كانت احلى صورة رسمهالى ربنا
