|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
|
ق : ترتيبك خير
مهما الأول... كان باين إنه هيجرحني
بمرور الوقت بيتحوِّل... وتملي ألاقيك بتفرَّحني
1- واثق في الجاي
راسمهولي... بإيديك قاصد دايماً راحتي
والصعب معاك تضمنهولي... يكمل وبتيجي ف مصلحتي
شايل أحلامي ف نن عنيك... والعمر بحاله ما يغلي عليك
وأكيد الخير جاي علي إيديك... مهما يا دنيا فيَّ جرحتي
2- عارف كل أموري
تخصَّك... وإنك شاغل روحك بيَّ
هفضل مسنود أنا علي شخصك... انت يا أقرب صاحب ليَّ
لا أنا هشغل بالي بتدبيرك... ولا هرمي تُكالي علي غيرك
قلبي بيهتف كتَّر خيرك... مالي أيامي ولياليا
____________________
* كلمات: حنا إسحق - ألحان: هاني فرج - ترنيم: مارثا عياد -
ألبوم: حتة من السما (لدير السيدة العذراء مريم المحرق)