|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
|
إبعت لنا
راعى يكون بيحبنا
فاتح ببانه فـ وشنا
ونقول له بابا نحس إنه
بجد أبونا كلنا
إبعت لنا
راعى يحس بهمنا
ويشيل معانا حملنا
يكون عظيم ويكون بسيط
وكإنه واحد مِنِّنا
1- راعى يكون صانع سلام
وعنده حكمة فى الكلام
لو فى قضية رأى عام
نلقاه يعبَّر عننا
أفعاله تبقى مميزة
لو صَلَّى أو لو قال عظة
ويعيش حياة التلمذة
وياخدنا لطريق ربنا
2- زى الأسد وقت اللزوم
ومايحبيش فى الحق يوم
تِهجِم ذِئاب نلقاه يقوم
ويقول لها إمشى من هِنا
ويشيل بلدنا دى فـ
عينيه
وتبقى دايماً عايشه فيه
والتضحية لو تبقى إيه
يضحى وتعيش مصرنا
3-
فِكرُه وإيمانُه يكون سَليم
يحفَظ إيماننا المُستَقيم
ويلحظ نفسه والتعليم
جوه الكنيسة أمنا
يقول كلام عاشُه بصحيح
ويقَضِّى ليلُه صلاة وتسبيح
راعى على مثال المسيح
وهو ده إللى يهمِّنا
____________________
* كلمات: رمزي بشاره - ألحان: رمزي بشاره ويوسف حافظ -
ترنيم: يوسف حافظ.
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/raa/ra3y.html
تقصير الرابط:
tak.la/dn2np89