أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة خليك في البيت *

 

وياك جُوَّه أتون هنفوت
والنار هتطفيها
لا يهمنا أمراض ولا موت
أرواحنا بتشفيها
اللي معاك بيعيش مبسوط
وحياته تحليها
وما تفرحشي قلوب وبيوت
مانتاش ساكن فيها

خليك فـ البيت ما تسيبهوش
ولا تُخرج من بابه
ده أمر بديهي ألف باء
بُعدنا عنك موت ووباء
والقلب اللي ما يبقاش بيتك
اتصَرَّف بغباء
اشفي قلوب بالهم اتصابوا
وسابوك.. للأحزان اتسابوا
خلينا نكون من ضمن اللي
سابوا شرورهم.. تابوا فطابوا

حُزن كبير بيجيب أمراض
للعايش فـ شروره
وتبان فـ حياته الأعراض
يأس وخوف بيزورُه
يوميًّا يتعب.. يحتاج
ماهو عَمَّال بيعاندك
مش لاقي لمشاكله علاج
ده مفيش دوا غير عندك

يا رب احنا بنهرب ليك
ما تسيبناش ولا لحظة
نطمِّن لو شُفنا إيديك
وعينيك لينا ملاحظة
القلب المليان بآلام
خليك انت طبيبُه
والبيت المحتاج لسلام
أرجوك اوعى تسيبُه

الهَم ده فيرس فَتَّاك
بس وجودك مصله
هَم ده إيه اللي هيتحدَّاك
ده هيتشال من أصله
أُؤمر فورًا اكون لَبِّيت
آدي قلبي ده بيت ليك
وهتدي مناعة للبيت
المتشرَّف بيك

____________________
* كلمات: رمزي بشارة - ألحان: يوحنا فيكتور - ترنيم: يوستينا سمير.

---