كلمات ترنيمة سَلِّمْهَالُه *

سَلِّمهاله.. سَلِّمهاله
وَحده يحلَّها.. لما تسيبهاله
ارفع الحَجَر .. وسيب رَب البَشر
يقَوِّم ليعازر.. لو بس نادى له
سَلِّمهاله

١
متوتَّر والأزمة خطيرة..
انده له انده له هيتدخَّل
هيحلها وهينهي الحيرة..
بمعونته مفيش مَرَّة هيبخَل
خاطرك مكسور أو قلبك أن
كل ده تتغيَّر أحواله
سَلِّمهاله

٢
ده مفيش عَنده حاجة عَسيرة ..
للمُشكلات دايماً حَلَّال
مِش هيخلِّي لهَمَّك سيرة..
وهيبعت فرحة وراحة بال
معروف عَنُّه بيجى يشيل عَن
التَّعبان لو بإيمان جاله
سَلِّمهاله

٣
هُوَّ وبَس مراحمة كتيرة..
ولصلواتك عَنده استجابات
وِمحاوطك بعناية كبيرة ..
ف الماضى وكمان ف الجايَّات
لو تِبكي لِبُكاك تلاقيه حَن
دَمعك غالى بالنسبة لُه
سَلِّمهاله