أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة إله كائن قبل الأزمان *

 

- إله كائن قبل الأزمان...موجود ف كل مكان ومكان

(اله الرحمة والحنان...سروره ف بني الانسان)2

- خلق الانسان علي مثاله...كل اللي عايزه اداله

(ادم كان عايش سعيد...ف الجنة هو والهه)2

- ولما خالفنا الوصية...وسقطنا ف الخطية

(نزل من عرشه...ف السماوات عشان يدينا الأبدية)2

- جه ف صورة انسان فقير...اتولد ف مذود حقير

(بمحبة وتواضع كبير...وهو الاله القدير)2

- عاش علي الأرض ف وسطينا...يداوي جراحنا ويشفينا

(يحمل عنا اثقالنا...ويشيل همومنا يعزينا)2

- علي الصليب سالت دماه...تجري وتغسل خطايانا

(بقيامته من بين الأموات...عادت لينا حريتنا)2

 

إنيانوس: والهك ده مالوش اسم؟

مرقس: ده ربي والهي ومخلصي يسوع المسيح

إنيانوس: اسمه حلو اوي .. طاب اللي عايز يعبد الهك ده يبقي شخص معين؟

مرقس: لا، أي واحد يقدر يعبد الاله ده..اي واحد ف العالم ده كله

إنيانوس: طاب افرض يعني في واحد عايز يعبد الهك ده..يعني يأمن بيه..يعمل ايه؟

مرقس: لازم يتعمد

إنيانوس: يتعمد..يتعمد يعني ايه؟

مرقس: يعني لازم ينزل ف المية ويغطس تلت مرات..ويتعمد باسم الاب والابن والروح القدس الاله الواحد امين

إنيانوس: مرقس..انا عايز اتعمد

مرقس: تؤمن ان الرب يسوع المسيح هو ابن الله؟ وانه اتصلب علي عود الصليب ومات وف اليوم التالت قام من بين الأموات؟

إنيانوس: اؤمن..اؤمن ان الرب يسوع المسيح..هو ربي والهي ومخلصي العظيم..اللي فداني علي الصليب..ومات عشان يحمل خطايا العالم ده كله

____________________
* كلمات وألحان: هاني راجح - أوبريت مارمرقس، كورال التربية الكنسية بكنيسة مارمرقس بشبرا، القاهرة، مصر، 1987 م.

---