كلمات ترنيمة استشهاد مارمرقساستشهاد مارمرقس

1 يحكى لنا التاريخ عن مجدك لما إتحديتْ الأوضاع واقف زى الصخرة لوحدك ما ضعِفتش الإيمان أوضاع

2 يحكى لنا التاريخ عن مجدك وسط الشعب وفى القداس جم بإيدين الظلم خدوك عايزين يوقفوا صوت أجراس وبوحشية قبضوا عليك من غير ذرة من الإحساس شياطين حقد غيلان حواليك أهانوك وسط جموع الناس

3 جابوا الحبل يشده حصان ربطوه فى رقبتك ظالمين صرخوا نادوا بصوت شيطان فى دار البقر جُرَوا التنين إتهرى لحمك دمَّك سال وإنت بصبر شكرت فاديك فى سجن وضلمه رموك فِ الحال شفت يسوع وملاك يناديك

4 يا شهيد البيعة قتلوك لما بعار للموت زفُّوك إنيانوس قاد الإكليروس وجميع المؤمنين أخدوك وبصلوات كهنة مع خوروس وبأطياب وحنوط دهنوك وف قبر كنيسة بوكاليا بدموع غزيره دفنوك

5 إيه اللى جنيته يا حبيب بقى علشان ضد الأوثان واللا عشان شاهد صليب هو خلاص جنس الإنسان يا للى نزلت فى مصر غريب أسست لفخر الأوطان كرسى رسولى وطقس عجيب عايش يحمى الايمان