|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
(كل يوم بيمر عليا...بيزيد حبي ليك
كل يوم بيعدي عليا...بيشدني ليك)2
(يا معقل الوثنية...جيتلك يا اسكندرية)2
(جيت وانا كلي ايمان...اهدم الاوثان)2
(انت ياربي يا كل امالي...محتاجلك يا حبيبي الغالي)2
هاتكلم وارفع اسمك عالي...حتي لو ضحيت بحياتي
مرقس: سلام يا عم الاسكافي...الحمدالله اني لقيتك
السندل انقطع مني...صلحهولي ده مفيش غيرك
إنيانوس: سلام ليك يا حبيب...انت عن البلد دي غريب
مرقس: ايوة..ايوة
إنيانوس: اتفضل اقعد..انت مستعجل
مرقس: لا علي مهلك
إنيانوس: بقالك مدة ماشي كتير...ده القطع الموجود قطع كبير
مرقس: بقالي ماشي حوالي شهرين...اصلي جاي من فلسطين
إنيانوس: مش تعرفني بأسمك
مرقس: انا مرقس...وانت كمان عرفني بأسمك
إنيانوس: انا إنيانوس الاسكافي...مشهور اني احسن اسكافي
(ده احنا بيك انشرفنا...ووجودك ف مصر ده نورنا)2
إنيانوس: اه..اه..يا الله الواحد
مرقس: بتصرخ ليه ده مفيش داعي
إنيانوس: اصل المخراز دخل ف صباعي
مرقس: ايه يعني...ده شفاه بالهي
إنيانوس:مش ممكن راح يشفي من تاني
مرقس: "يا الله الواحد..ايها الرب يسوع..انت اديتنا السلطان..اننا نشفي الاوجاع والالام..اشفي ايد الاسكافي الغلبان..واديني بركة عند الكلام"
إنيانوس: مش معقول مش ممكن...مش معقول مش ممكن...مش معقول مش ممكن
مرقس: (ايه هو اللي مش معقول...ايه هو اللي مش ممكن)2
إنيانوس: صباعي
مرقس: ماله
إنيانوس: (رجع سليم وكأن ماكنش فيه حاجة)2
مرقس: يا إنيانوس انت بتعبد مين...والهك ده يطلع مين
إنيانوس: انا بأعبد الاله الواحد
مرقس: مين هو الاله الواحد؟
إنيانوس: ده اله سمعت عنه من اجدادي..ودلوقتي بعبده انا واولادي..لكن هو فين..هو مين..شكله ايه..معرفش
مرقس: الاله الواحد هو الهك والهي..هو اللي خلقني وخلقك..هو اللي شفي جرحك..اله الواحد ده
____________________
* كلمات وألحان: هاني راجح - أوبريت مارمرقس، كورال التربية الكنسية بكنيسة مارمرقس بشبرا، القاهرة، مصر، 1987 م.
* عن لقاء مارمرقس مع إنيانوس في مصر.
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/alif/inianos.html
تقصير الرابط:
tak.la/hvpw9vh