كلمات ترنيمة كاروز ديارناكاروز ديارنا

جه مصر زارنا

عرَّفنا بالابن الحبيب

بالفرحة زادنا

نوَّر بلادنا

ذوَّقها بعلامة الصليب.

من غير ملل مشي لينا مشواره الطويل،

رحلة سفر حتى الحذاء مقطوع دليل،

على تعبه وصعوبة الطريق،

على إنه قابل ياما ضيق،

على رفضه طول الوقت كلمة مستحيل.

أول مسيحي في مصر بعد دخوله كان،

إنيانوس الإسكافي ماهو آمن عشان،

لما اتجرح جرح في ايديه،

وماكنش عارف يعمل إيه،

باسم المسيح شفاه كاروزنا بالإيمان.

دايماً نقول: يابختنا بناظر الإله،

بركة كبيرة، جه وجاب الخير معاه،

أنقذنا من فخ الشرور،

كتب البشارة حروفها نور،

وعلاج لموتنا إدانا إنجيل الحياة.

في إسكندرية وقف يصلي في وقت عيد،

هجموا عليه ربطوه بحبال جروه بعيد،

لا هرب ولا خاف أي شئ،

مصر ارتوت بدماء برئ،

ناظر الإله جه بحبه ومات شهيد.