|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
|
مش بحرم وكل مره نفس الحكايه
علشان فاكرني تملي هو واقف معايا
باتمادى فيها وباقول لنفسي بكره يسامحني
ونفسي مره ابطل تهاون واقول كفاية
هو انا هاتعلم امتى ابطل استهتار
ولا انا مش هارتاح غير لما تحرقني النار (2)
ربنا بيسامح اه لكن انا مش من حقي
افضل أناني ورافض اخد حتى قرار
كلمة سامحني بقت بتتكرر ليلاتي
وباقولها مجامله عشان أنسى وما اكرهش حياتي
ولو اتحايلت على دمع عيني مش بيطاوعني
نشفت دموعي بردت مشاعري حتى في صلاتي
بس انا دلوقتي مصمم ان انا لازم افوق
وكفايه برود ووجود بكيان ميت مخنوق (2)
تحت الرجلين بصيت ياما وادي اللي انا خدته
جه الوقت ان انا عيني تفتح وتبص لفوق
تُبت وهاروحله والمره دي غير اللي فاتوا
كان فيه حاجات حايشاني عنه دلوقتي ماتوا
خسران كتير اللي كسب كل اللي عايزه
وبعد كل ده في النهايه خسر حياته
غيرت الحسبه وصححت جميع الأوضاع
ورجعت عشان الجاى وكفايه الماضي أهو ضاع (2)
مكسوف اتقدم بس في نفس الوقت أنا عارفه
إنه هيقبلني عشان مش جاي بأي قناع
____________________
* ترنيم: مينا فايز.
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/meem/baharram.html
تقصير الرابط:
tak.la/32vpt6g