|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
|
يا رب أنا نفسي اقدر واعبر واحكيلك عن حبي ليك
وايه معنى الحب لم بالخطية أجري عليك
أطلب منك الغفران وكمان أقول وعود كتير
لكن برضو بطبعي بنسى وبعمل ذنبي الكبير
لكن أنا ليك يا ربي ليك مش عارف أوصف حبي ليك
كام مرة جيتلك وسط تعبي واحتياجي لحضن كبير
يضمني يمسح دموعي ويشيل عني هم تقيل
تديني قوة ونصرة منك وحنان ملهوش مثيل
بس في لحظة ببعد عنك وبقول قلبك كبير
لكن أنا ليك يا ربي ليك مش عارف أوصف حبي ليك
وساعات بفكر . لأ واقرر اني اكون انسان جديد
أوهبلك نفسي وعمري كله للوصية أكون مطيع
وابدأ طريقي بسرعة بكرة بفرح وإيمان عظيم
لكني بزهق أو بقول مانا حالي زي ناس كتير
لكن أنا ليك يا ربي ليك مش عارف أوصف حبي ليك
ومهما أحاول أو أجاهد كل مرة ارجع حزين
أو لما أغير أو أفكر لذنوبي أفضل أسير
لكن أنت يا ربي قايل يا جميع المتعبين
تعالوا عندي تلاقوا راحة وسلام ملهوش مثيل
عشان أنا ليك يا ربي ليك مش عارف أوصف حبي ليك
دلوقتي بس فهمت أنك عندك وحدك التغيير
غير حياتي أملك كياني والظلام يصبح منير
كان قلبي تايه عقلي غايب والهلاك هو المصير
لكن عندك الحياه وف سماك هطلع واطير
ضمني ليك يا ربي ليك (انا عايز أفضل ابن ليك) (3)
____________________
* كلمات وتلحين: جورج يسري.
* من ترانيم
حفل:
لي
صديق، كورال قيثارة السماء، 2015 م.
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/alif/ana-leek.html
تقصير الرابط:
tak.la/f9afk33