أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة أميرة العذارى *

 

إسمك حلو وغالي وهفضل اقوله كتير
ده أنا من صغري بحبك طبعآ حب كبير
بنسي الدنيا وبفرح من قلبي وبرتاح
لما بزورك أول ما بروحلك في الدير
دميانة أميرة العذاري
رمز العفة والطهارة
يا محبوبة يا مختارة
يا اغلي واحلي البنات
دميانة يا غالية عليا
وبتشفعي في السما ليا
أول راهبات المسيحية
ليكي في التاريخ حكايات
ياللي استحملتي عشان ربنا أي ظروف
ولا فرقت عندك ألامات ولا هزك خوف
بطلة وقفتي قصاد المو*ت بصمود وإيمان
بنت الوالي وأصلك بين الناس معروف
مثلي الأعلي وقدوة في عين الكل كمان
بتعلم منك طول عمري أكيد علشان
كل صفاتك حلوة وكل ما فيكي جميل
سيرتك محفورة في قلوبنا في كل زمان

____________________
* كلمات: مينا مجدي - ألحان: مارفي صموئيل - ترنيم: يوستينا سمير.

---