كلمات ترنيمة هايعوضك عن كل شخص *

(1) مش شرط مين يعرف مشاعرك لو بكيت
ولا مين وحشته وكلمك لما اختفيت


مش هتلاقيلك حد كامل يفهمك غير ربنا
(حضنه الوحيد هتلاقى فيه مطرح وبيت)2


(ق) (هيعوضك عن كل شخص بسببه قلبك اتوجع
هيعوضك ويسيب سلامه فيك ويطرد الهلع


وبيبدل الشيبه بصبا ويشددك
ويبدل الغم بفرح ويجددك ولا
مره تعشم فيه بحب وتتخدع)2


(2) ازاى تقيس قمتك فى ناس مش حاسه بيك
ليك رب فاحص كليتك شايف اللى فيك


عينه عليك سهران يونس غربتك سامع الصلاه
(كاس ميه بارد مش ناسيه ومش ناسيك)2