1
كل ما أحس إن أنا وحداني
وألقى همومي بعيد وخداني
كل ما ضعفي يقرب مني
وألقى إيديك م الخوف شداني
بألجأ إليك وأتحامي فيك
وبحب أب تمد إيد وتاخدني ليك
ألقى الأمان وأنسى اللي كان
وأنهض وأقوم ناسي الهموم
إيدي في إيديك
(إش 41: 13)تلميح
لأَنِّي أَنَا الرَّبُّ إِلَهُكَ الْمُمْسِكُ بِيَمِينِكَ، الْقَائِلُ لَكَ: لَا تَخَفْ. أَنَا أُعِينُكَ.
قرار
يا أوفى قلب يحبني ويخاف علي
إيديك يا رب أحن إيد تمسك إيدي
في وسط عتمة الحياة إنت اللي لي
2
لو مرة تهت وسبت مكاني
وفشلت إني أرجع لك تاني
صوتك يردني ويفكرني
إن إنت حُضنك كان عنواني
أنهض وأفوق وأرجع بشوق
وبعد خزيي وعاري ترفع راسي فوق
أفضل معاك ستري في حماك
وبعد ظُلمة قلبي يدخل لي الشروق
1/2(لو 15: 17-20)تلميح
(17) فَرَجَعَ إِلَى نَفْسِهِ وَقَالَ: كَمْ مِنْ أَجِيرٍ لأَبِي يَفْضُلُ عَنْهُ الْخُبْزُ وَأَنَا أَهْلِكُ جُوعًا! (18) أَقُومُ وَأَذْهَبُ إِلَى أَبِي وَأَقُولُ لَهُ: يَا أَبِي، أَخْطَأْتُ إِلَى السَّمَاءِ وَقُدَّامَكَ، (19) وَلَسْتُ مُسْتَحِقًّا بَعْدُ أَنْ أُدْعَى لَكَ ابْنًا. اِجْعَلْنِي كَأَحَدِ أَجْرَاكَ. (20) فَقَامَ وَجَاءَ إِلَى أَبِيهِ. وَإِذْ كَانَ لَمْ يَزَلْ بَعِيدًا رَآهُ أَبُوهُ، فَتَحَنَّنَ وَرَكَضَ وَوَقَعَ عَلَى عُنُقِهِ وَقَبَّلَهُ.
(مز 3: 3)تلميح
أَمَّا أَنْتَ يَا رَبُّ فَتُرْسٌ لِي. مَجْدِي وَرَافِعُ رَأْسِي.
3
لما الأنين يبتدي يملاني
وهموم وخوف مالي كياني
إيديك بتنزع كسرتي مني
وتداوي كل جروح في ثواني
ما إنت الطبيب وإنت الحبيب
لو كله سابني وكله باع ألقاك قريب
قلبك كبير خيرك كتير
وأسرني بيك يا إلهي بالحب العجيب
1/2(مز 147: 3)تلميح
يَشْفِي الْمُنْكَسِرِي الْقُلُوبِ، وَيَجْبُرُ كَسْرَهُمْ.
(مز 27: 10)تلميح
إِنَّ أَبِي وَأُمِّي قَدْ تَرَكَانِي وَالرَّبُّ يَضُمُّنِي.
