1
(عارفك مِش قادر تِرتاح
شايف قلبَك كُلُّه جراح)2
عُمرَك في طريق مُظلِم راح
(تعالَ يسوع عندُه الأفراح)2
(مت 11: 28)إعادة صياغة
تَعَالَوْا إِلَيَّ يَا جَمِيعَ الْمُتْعَبِينَ وَالثَّقِيلِي الأَحْمَالِ، وَأَنَا أُرِيحُكُمْ.
قرار
(تعالَ إلِيه وسَلِّم لِيه
وحُطّ حياتَك بِين إيديه
ها يِغفِر لِيك خطايا ماضِيك
ويِضمَن كُلّ الحاضِر فيه)2
2
(وها تِفضَل عايِش تَعبان
طُول ما عينيك على الإنسان)2
ليه فِكرَك شارِد حيران
(دا)2 يسوع يملا الفِكر طَمَان
3
(اِرجَع وِارمي عالَم فاني
مِش ها تفكَّر تِرجَع تاني)2
ليه قلبَك مِ الهَمّ يعاني
(عُمرَك ضايِع وِانتَ الجاني)2
4
(جَرحَك مِين يِقدَر يداوِيه
ذَنبَك مِين يِقدَر يدارِيه)2
لِيه خايِف تِتقَدِّم لِيه
(حِملَك إرمِيه كُلُّه عَلِيه)2
(1 بط 5: 7)اقتباس
مُلْقِينَ كُلَّ هَمِّكُمْ عَلَيْهِ، لأَنَّهُ هُوَ يَعْتَنِي بِكُمْ.
