St-Takla.org  >   lyrics  >   ar  >   songs  >   noon
 
St-Takla.org  >   lyrics  >   ar  >   songs  >   noon
أرشيف كلمات الترانيم المسيحية | قاعدة بيانات الأناشيد الروحية على الإنترنت
فهرس الترانيم | ترنيمة مكتوبة | نص الترتيلة

كلمات ترنيمة مديح نسر البرية   *

 

St-Takla.org                     Divider of Saint TaklaHaymanot's website فاصل - موقع الأنبا تكلاهيمانوت

ماسك ويا الماسكين              في معونة الصلوات

وعشان بالروح مسكين          ليك ملكوت السموات

يا متواضع يا وديع              يا خادم للجميع

كل الرهبان أباء ليك             أو أبناء واخوات

 

يا نسر البرية                     يا شفيع المستحيلات

قدمت التسبيحات                 لإلهك القدوس

يا زاهد يا راهب                 ربنا كان ليك واهب

فضايل ومواهب                 يا أبونا فلتائوس

 

ندمت على اللي فات             من عمرك وما عشتوش

ليسوع إنشالله ساعات            أو ساعة ما كلمتوش

حزنت على خطاياك             فروح الله عزاك

حول نوحك وبُكاك               لفرح ما نوصفهوش

 

من بره يبان عليك               زي ما موجود جواك

طيبه بتظهر في عينيك         ووداعه كتير ملياك

أبداً ما كرهتش حد               وداعه وطيبه بجد

حقيقي ورثت الأرض           الناس كلها حباك

 

يا ابونا تملي تجوع              ليسوع وبتعطش ليه

قلبك يشبع بيسوع                وبتروي عطشك بيه

إيه في الدنيا يساوي             المن السماوي

إيه يفرح قلبك زي               إن أنت تعيش ترضيه

 

يا نسر البرية                     يا شفيع المستحيلات

قدمت التسبيحات                 لإلهك القدوس

يا زاهد يا راهب                 ربنا كان ليك واهب

فضايل ومواهب                 يا أبونا فلتائوس

 

ربنا رحمك علشان               أنت رحمت الغلبان

واللي دخل لك زعلان           خرج يا ابونا فرحان

اللي في محنة تقويه             وبحُب تحن عليه

واللي بيطلب تديه                اكتر ما طلب كمان

 

إلهك حبيته                       وقلبك خليته

يبقى سكنه وبيته                 وارتاح وارتحت معاه

وقلبك فضيته                     م الدنيا ومليته

بيسوع ونقيته                     فعاينت يا ابونا الله

 

ليك أصل سماوي عشان        أنت صانع سلام

واللي زيك دايماً                  الله بيبقى ابوه

بتخلي المتخاصمين              بوساطتك متصالحين

ولا عمرك كنت تدين                        حد ولا تقول حاكموه

 

يا نسر البرية                     يا شفيع المستحيلات

قدمت التسبيحات                 لإلهك القدوس

يا زاهد يا راهب                 ربنا كان ليك واهب

فضايل ومواهب                 يا أبونا فلتائوس

احنا مش وحدينا

____________________
* ترنيم: ساتر ميخائيل، مايكل فايز، برسوم القمص اسحق، ليليان عبيد، روماني رؤوف، أبونا أندرو فيليب، سارة معروف - ألبوم: إحنا مش وحدينا.


© st-takla.org موقع الأنبا تكلا هيمانوت: بوابة عامة عن عقيدة الكنيسة القبطية الأرثوذكسية، مصر / إيميل:

الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع | اتصل بنا

https://st-takla.org/lyrics/ar/songs/noon/nesr.html