كلمات ترنيمة لو نفسك تعبت وانهارتلو نفسك تعبت وانهارت

1 لو نَفسَك تِعبِت وانهارِت واتقَلبِت كلّ العِمدان فِيه فكرَة عن قلبك تاهِت أنا ربَّك ليَّ السُّلطان أنا ع العَرش وإيدِي قديرَة مهما بيِحصَل مهما إن كان كلّ صعابَك عَندي يسيرَة إستنَّاني بكلّ إيمان

2 مِش هانسَى لَك كلّ صلاتَك أنا شُفت دمُوعَك في عينيك أنَّاتَك وَصَلِت وآهاتَك أنا حاسِس بالضَّغط علِيك أنا عارِف إيه الِّلي علَى أكتافَك أنا حاسِب حِملَك مظبوط وهاجهِّز منفَذ قُدَّامَك إرمِي عليَّ كلّ ضغُوط ‹1/2›(1 بط 5: 7)إعادة صياغة مُلْقِينَ كُلَّ هَمِّكُمْ عَلَيْهِ، لأَنَّهُ هُوَ يَعْتَنِي بِكُمْ. (1 كو 10: 13)تلميح لَمْ تُصِبْكُمْ تَجْرِبَةٌ إِلاَّ بَشَرِيَّةٌ. وَلكِنَّ اللهَ أَمِينٌ، الَّذِي لاَ يَدَعُكُمْ تُجَرَّبُونَ فَوْقَ مَا تَسْتَطِيعُونَ، بَلْ سَيَجْعَلُ مَعَ التَّجْرِبَةِ أَيْضًا الْمَنْفَذَ، لِتَسْتَطِيعُوا أَنْ تَحْتَمِلُوا.

3 وف ضِيقتَك دايمًا باتضايِق وف حُزنَك أنا بِيك دريَان بسّ ف حُبِّي هافُكّ وأبارِك وهانَجِّيك كلّ الأيام زيّ ما ابن أبوه بيشِيلُه طُول السِّكَّة لو تعبَان إنتَ ف حِضني يا ابني مكانَك وف قلبي رحمَة وإحسان (تث 1: 31)اقتباس وَفِي الْبَرِّيَّةِ، حَيْثُ رَأَيْتَ كَيْفَ حَمَلَكَ الرَّبُّ إِلهُكَ كَمَا يَحْمِلُ الإِنْسَانُ ابْنَهُ فِي كُلِّ الطَّرِيقِ الَّتِي سَلَكْتُمُوهَا حَتَّى جِئْتُمْ إِلَى هذَا الْمَكَانِ.