نظرة حزن فى عينى صرخة اه من قلبى
دمعة بتملى سنينى ولا فيش صاحب جنبى
افراح بتروح قلبى مجروح جوايا جروح قاسية بتجرحنى
شايل احمال ولا تقل جبال وفى قلبى سؤال مين هيريحنى
(مت 11: 28)تلميح
تَعَالَوْا إِلَيَّ يَا جَمِيعَ الْمُتْعَبِينَ وَالثَّقِيلِي الأَحْمَالِ، وَأَنَا أُرِيحُكُمْ.
ولقيت قدامى صورة هادية جميلة بتبسم
كانت صورتك ياربى اجمل ملامح تترسم
وجريت انادى حبيب الكل ده يسوع الهى هو الحل
ولا جرح ولا اهه ولا دموع ده يسوع غيرلى الموضوع
وشفى لى قلبى الموجوع فرحان انا وللسما مرفوع
معاك هاعيش مايهمنيش ماتهزنيش اعلى الامواج
محمى فى ايديك مسنود عليك يالهى بيك مابقاش محتاج
