أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة أوبريت الخطية والأبدية *

 

1- كنا في العهد القديم           تحت لعنة الناموس

والنهاية هي الجحيم              مرسى لجميع النفوس

كله هيموت في النهاية          والعذاب اخر الحكاية

مين يجيب تاني البداية          وع العذاب يقدر يدوس

 

الخلاص هو المسيح             اللي شال الحكم عني

الخلاص دم الذبيح               اللي بيه باهتف واغني

الحياه وياه وبيه                   والنجاه بحمانا فيه

واللي آمن بس بيه               (نال من الله التبني) (2)

 

القرار:

كلنا زُغنا وفسدنا                 كلنا تُهنا في بعادنا

بس لما جه المسيح               بالفرح كلل جهادنا (2)

 

2- بالناموس احنا عرفنا         الخطية دي تبقى إيه

بس زاد جوانا خوفنا             لما ما قدرناش عليه

الفساد من يومي فيا              والصراع ضد الخطية

مهما يحصل هي هي                        برضه ميت واعمل ايه

 

بس لما مات يسوع               وانتصرع الموت وقام

بِره عاش جوا الضلوع          وابتدى يعود السلام

ايوه مُتت عن الخطية           لما عاش البِر فيا

المجد للي بإيده ديا               (شال عن الناس الآلام) (2)

 

3- كله مولود بالخطية           بالوراثة دَخَلِت عالمنا

مافيش قيامة ولا ابدية           موت وبيأكد عدمنا

كنت بار أو كنت خاطي         كله واحد كله عادي

يعني مهما يكون جهادي        المصير هيكون آلامنا

 

بس لما الله قبلنا                   في المسيح رفع العقاب

جه بعهد جديد نادانا             بدم مرشوش ع الأعتاب

والهلاك عدى وفارقنا            والمسيح نور طريقنا

وابتدينا معاه ورافقنا             (دُسنا وياه ع العذاب) (2)

 

4- في الخطية الكل عاش       كاس وع الأجيال يعدي

والعلاج لا ماعندناش                        الخلاص كان مش بيدي

الناموس كان للتأديب                        كان علينا محطوط رقيب

دايماً اللعنات يجيب              للي بيقوم بالتعدي

 

بس لما النعمة حلت              بالمسيح ولقت مكان

القيود فكت وحلت                وانتهى الماضي اللي كان

لعنة الناموس حملها              ع الصليب وبدمه شالها

خدها ليه ووهب بدالها           (موعد الروح بالإيمان) (2)

 

5- كنا نسمع كل يوم                        إنه راح ييجي الخلاص

عدى يوم جه بعده يوم           قلنا لأ مش جاي خلاص

متنا قبل ما ييجي لينا                        واندفنا ومتنا فينا

قلنا حكم الله علينا                وعدله حملنا القصاص

 

بس يوم الرب جالنا              برحمته ونزل الجحيم

جه وجاب وياه امالنا             بفرحة النصر العظيم

موت الموت وقت موته         حرر الأسرى بلاهوته

وارتفع لسماه بناسوته            (شُفنا وياه أورشليم) (2)

____________________
* كلمات: مينا فوزي - ألحان: نيفين شكر الله - ترنيم: نفين نبيل - شادي شكر الله - عبير فوزي - مينا منير - سارة معروف - إيهاب كامل - شادي معوض - ساتر ميخائيل - مارينا أدولف - مينا فوزي.

---