1
(نبع من قلبي دمعة
للسما على شرنا
ولقيتني في قلبي باصرخ
أول الخطاة أنا
دا إحنا بخطية واحدة
إتشوه كل جمال فينا
ولحد النهارده بنرجع
ونعيش لنفسنا)2
(1 تي 1: 15)اقتباس
صَادِقَةٌ هِيَ الْكَلِمَةُ وَمُسْتَحِقَّةٌ كُلَّ قُبُول: أَنَّ الْمَسِيحَ يَسُوعَ جَاءَ إِلَى الْعَالَمِ لِيُخَلِّصَ الْخُطَاةَ الَّذِينَ أَوَّلُهُمْ أَنَا.
قرار
ما كفاية فتور ما كفاية شرور
ويوم طالع ويوم نازل
ما كفاية زيف حاطط قناع
والصدق ضاع فين الفاصل
وحب ذات خد وهات
ودوافع لسه بتفاصل
ما كفاية غيرة ظنون شريرة
بطرق العالم نتواصل
ما كفاية وعود لله بتدوب
ولا في تغيير بادئ حاصل
وحب ذات خد وهات
ودوافع لسه بتفاصل
2
(وعدتك أعيش لمجدك
لكن لسه باعيش لي
فاكر ينفع أعيش لك
وأنا لي نصيب فيّ
أنا جاي لك باعترف لك
إحرق كل أنانية
أنا عايز أعيش لمجدك
عايز أعيش في الحرية)2
