St-Takla.org  >   lyrics  >   ar  >   songs  >   haa
 
St-Takla.org  >   lyrics  >   ar  >   songs  >   haa
أرشيف كلمات الترانيم المسيحية | قاعدة بيانات الأناشيد الروحية على الإنترنت
فهرس الترانيم | ترنيمة مكتوبة | نص الترتيلة

كلمات ترنيمة حكايات ربنا   *

 

St-Takla.org                     Divider of Saint TaklaHaymanot's website فاصل - موقع الأنبا تكلاهيمانوت

الناس ربنا بيعلمهم              بالصبر وطولة البال

بيفهمهم ويكلمهم                 وبيحكلهم أمثال (2)

 

القرار

حكايات ربنا مش تسلية        او بس كلام واتقال

دي دروس ووصايا إلهية      ( باقية تعلم أجيال ) (2)

 

1- قال كان فيه اب وليه ابنين                 واحد منهم شرير

خد كل فلوسه صرفها وعاش             في حياة الشر كتير

أصبح انسان غلبان وفقير                 واشتهى اكل الخنازير

ورجع لابوه وابوه سامحه                 اصل ابوه قلبه كبير

واحنا كمان مهما عملنا وتوبنا            يسوع يغفر فـ الحال

 

2- قال كان في غني دايماً على طول         للمحتاج ما بيديش

في مخازنه يحوش في المحصول        ويقول للفقرا مافيش

لكن ده العمر مسيره يزول                مهما الواحد هيعيش

جه ربنا قاله يا غبي هتموت              وبكره عليك مايجيش

ده الغنى إن احنا نعيش ليسوع            الغنى مش بالأموال

 

3- قال كان فيه حد مسافر بلده                والحرامية شافوه

مسكوه سرقوه ضربوه جرحوه          عالأرض رموه وسابوه

كاهن مع لاوي ما سألوش فيه            ولا للمستشفى خدوه

وسامري كان ماشي وعدى عليه         عالجه كأنه أخوه

هنساعد كل الناس يا يسوع               زي ما إنجيلك قال

____________________
* كلمات: رمزي بشارة - ألحان: سامي يحيى.
* من مرنمي الترتيلة: كورال قلب داود، ألبوم: أيوة بحبه.


© st-takla.org موقع الأنبا تكلا هيمانوت: بوابة عامة عن عقيدة الكنيسة القبطية الأرثوذكسية، مصر / إيميل:

الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع | اتصل بنا

https://st-takla.org/lyrics/ar/songs/haa/hekayat-rabena.html