كلمات ترنيمة خرج الزارع فرحان يزرع *

* خرج الزارع فرحان يزرع           زرعه بأمانة واخلاص

علشان يطرح خير ويوزع               من خيره على كل الناس

* يعنى خرج ربنا بولاده                 من العبودية لأرض الموعد

خدنا لحرية أمجاده                         علشان على صورته نتجدد

* يبدر جوه نفوسنا حنانه                 ومن تعاليم الحب يفلح

ينبت فينا بحق ايمانه                       أصله الحق وهو المصلح

* خرج الزارع فرحان يزرع           زرعه بأمانة واخلاص

علشان يطرح خير ويوزع               من خيره على كل الناس

* وهو ماشى لغايته جرئ            وقعت حبات على الطريق

جت الطيور اكلت وارتاحت          كل الحَب وبعدين طارت

* الطريق ياولاد معناه                قلبى وقلبك المتكبر

اللى بيعلى بمستواه                     أعلى من الارض ويتجبر

كل ما يعلى تطمع فيه                  كل الطيور حتى الشياطين

عمر التكبر ما يخليه                   يعرف طريق الملكوت فين

* دى الناس اللى ودانها بتسمع       وكلام ربنا مش فى القلب

     بقساوة أفكارهم تشبع                 والنوع ده ما يعرفش يحب

   * عن كلمة ربنا بتكسل                لا بحكمة ولا موعظة تقبل

لطعام الروح هى بترفض                 زى ولاد العالم تعمل

زى الاربعة اللى دعاهم                   ربنا للعرس بجدية

وكان يتمنى الرب لقاهم                   واعتزروا بالحجة الواهية

* اللى ليه أذان للسمع                     قلبه بكلمة ربنا يشبع

واللى قلبه قداسه يشع                      طوباه اللى يلم ويجمع

* خرج الزارع فرحان يزرع           زرعه بأمانة واخلاص

علشان يطرح خير ويوزع               من خيره على كل الناس

* وبعضه جه على الأرض الصخرة           اللى من غير تربة وعمق

طلعت فوقه الشمس الحارة                        جف الكل وحرقته حرق

* قلب مرائى يخفى طبيعته                       ورا المظاهر البراقة

تفرح نفسه بنفس كلمته                    وتبقى لرياءها مشتاقة

* ده الشخص اللى الضيقة عليه         تمر تكشفه من جواه

فى ضيقة تلقاه خبى ايمانه                 وينسى عمل الله وياه

* م الاضطهاد يهرب وهروبه           دليل عى ضعف الايمان

ينسى وقت الشدة حبيبه                    ملهوش اصل نسى الديان

* شروق الشمس تفيد الزرع             اللى التربة بتاعته عميقة

ويجف ويتحرق الزرع                    لو سطحية التربة رقيقة

* اللى ليه أذان للسمع                     قلبه بكلمة ربنا يشبع

واللى قلبه قداسه يشع                      طوباه اللى يلم ويجمع

* خرج الزارع فرحان يزرع           زرعه بأمانة واخلاص

علشان يطرح خير ويوزع               من خيره على كل الناس

* وبعض منه جه على الشوك            خنقه الشوك وتلف أوراقه

ولو بماء الورد سقوه                       غير الشوك فيك ما حيلاقه

* دى النفس الحائرة المهتمه              بالعالم وغرور العالم

تشرب من أفكاره السامة                  فاكره المال والجاه الدايم