|
|
|
| |
1 هي تينّي افجي انتابنيوت طايوط ارشي ايرفس بابا افا شينوتي
2 زي ماقولنا الف سلامة ودعينا ربِّنا يشفيك بنقول حمد الله عا السلامة كُلِّنا هِنا بنرَحَّب بيك
3 يا سبعتاشر بعد الميَّة من باباوات إسكندرية إنت هدية وغيبتَك دِيَّه ماتتكرّرشى الله يخلِّيك
قرار بينيوت إثؤواب إم باطريارشيس بابا آفا شينوتي بي ارشي إيرفس إنتَ أبونا الغالي البابا القِدِّيس أب حنَيِّن دايمًا بولادَك بِتحِس
4 جُوَّه القلب يا بابا شنوده ياللي إيديك بالخير ممدودة يا خليفة مارِمرقُس
5 طِفل صغيَّر اسمه نظير متميِّز ومالوهشى نظير وبَقَى البابا شنوده التالت خِطَّة إلهية وتدبير
6 الرَّب إلهنا اللي اختار كان ساندك طول المشوار إللى إبتدى ويَّاك آهو كَمِّل لسنين تانية يا بابا كتير (في 1: 6)تلميح وَاثِقًا بِهَذَا عَيْنِهِ أَنَّ الَّذِي ابْتَدَأَ فِيكُمْ عَمَلًا صَالِحًا يُكَمِّلُ إِلَى يَوْمِ يَسُوعَ الْمَسِيحِ.
7 يا ناسِك م الدَّرجة الأولى شيخ. وتصلي كتير وتصُوم وعلاقتك بالدِّير موصولة بتروح خِلوة لحَد اليوم
8 إنتَ غريب عايش فى الدَّنيا والدُّنيا مش عايشَة ف قلبَك مش بتفوت من عُمرك ثانية غير لَمَّا بِتكَلِّم رَبَّك (مز 39: 12)تلميح اِسْتَمِعْ صَلاَتِي يَا رَبُّ، وَاصْغَ إِلَى صُرَاخِي. لَا تَسْكُتْ عَنْ دُمُوعِي. لأَنِّي أَنَا غَرِيبٌ عِنْدَكَ. نَزِيلٌ مِثْلُ جَمِيعِ آبَائِي.
9 إنت الحُزن ماتِعرَفهوش والهم إنتَ مابتشيلهوش وعليك خِفِّة دَم عَجيبَة كُلَّك طيبَة وديع وبَشوش
10 مِن كُتر بَساطتك مِتحَيَّر إنسان قلبَك قلب ملاك وعليك ضِحكة طِفل صغيَّر تِضحك وتِضَحَكنا مَعاك
11 وِعِظاتَك فى طَريقنا علامة وكلامَك يا أبانا روحاني يا بابا شنوده يا عَلاَّمة يا ذهبي الفَم التَّاني
12 علاَّمة بجد وموسوعَة وَعَظات مَرئيَّة ومسموعة وكُتب لاهوتيَّة وروحيَّة تعاليم جُوَّانا مَزروعَة
13 ومخَصَّص يوم فى الأسبوع تيجي تكلِّمنا ف موضوع يوم الأربَع نيجي ونِسمَع نيجي تِقَدِّم لينا يسُوع
14 نسأل وإنتَ تقول إجابات وتفَسَّر فى كتابنا آيات وِف لَجنة البِر. بِنَفسَك بتقَدِّم لينا مُساعدات
15 وأديب وبتِكتِب أشعار فَنَّان ومُثَقَّف وحَكيم ومُفَكِّر عَندَك أفكار ومُفَسِّر ليك فِكر سَليم
16 بتحارب البِدع اللاهوتيَّة مش بس بحرومات كنسية زي ما قالت الدسقولية تمحو الإثم بالتعليم
17 أيوه إنتَ صلاة زي داود على رَبَّك دايمًا مًسنود تِتألِّم وتقول لِلخير وِشعارَك رَبِّنا موجود (مز 109: 4)تلميح بَدَلَ مَحَبَّتِي يُخَاصِمُونَنِي. أَمَّا أَنَا فَصَلاَةٌ.
18 وجراح شعبَك حاسس بيها تِتألِّم وبِتِبكي عليها وبتُطلُب رَبِّنا يِدَّخَل يِسمعلَك وقَوام يداويها
19 بَلَدَك دي ف قلبَك ياراعينا وِف كُل مَكان بِتروح لِيه بتقول مصر دي بتعيش فينا مش بس وَطن بنعيش فيه
20 وطني. ومين ينسالَك مين قلت أنا مش هاجي فلسطين غير لمَّا تِرجَع لِصحابها ونُدخُلَّها مع بَعض .آمين
21 أديرَة عَمرانَة برُهبان وكنايس فى كل مكان كل ده حاصِل بَس ف عَهدَك نُور كنيستنا للكون بان
22 والإعلام إهتَمِّيت بيه لَمساتَك آهي باينَة عليه كل الدُّنيا شايفَة أغابي والعالَم بيشوف سي تي في
تُعرف هذه الترنيمة أيضًا باسم: «ملحمة حب للبابا شنوده»
المزيد: الآباء الرعاة (البابا والأساقفة والكهنة) ←المزيد: إلى الآباء الرعاة (البابا، الأسقف، الكاهن) ←المزيد: الكنيسة ←
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع