|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
|
بنحب كل الناس وقلوبنا فيها خير
زي ماوصانا ربنا دايما نحب الغير
الحب وحده كفيل يغير الأعداء
ويخلق جوه قلبهم سلام ويدي شفاء
اصل المحبة اكيد دايما ساترة العيوب
نورها علي طول يكون ساطع جوه القلوب
لو مكنتش احب اخويا اللي انا شايفه بالعيان
يبقي ازاي احب ربي اللي عرفته بالإيمان
العمر فيه كم يوم علشان نعيش في خصام
هيفيد بأيه الزعل غير جرح ويا الام
ليه نشيل ذنوب وخلاص ونزعل بعض ليه
والهنا عنده حلول لو يوم ندهت عليه
غير ربي العقول واخلقها من جديد
خلي المحبة تكتر ده رجانا فيك اكيد
لو مكنتش احب اخويا اللي انا شايفه بالعيان
يبقي ازاي احب ربي اللي عرفته بالإيمان
قلبي حابب وجودك وتملي ليك مكشوف
وبرغم تكشيرتك جايلك بوش بشوش
ده الهنا بمحبته زرع الحنان فينا
ليه ننسى تعاليمه ونعادي بعضينا
ياريت هدفنا يكون نحب نخاف علي بعض
نرفع صلاتنا لفوق نزرع سلام في الارض
ننهي كلامنا نقول قدم محبة لاخوك
ازرع ليه الورود حتي ان قابلك بشوك
حاول تكون انسان ميردش الإهانات
سامح اللي يعاديك سانده وقت الضيقات
وان يوم ضايقك بفعل سامحه وصليله
ليك رب سامع تملي اجري واحكيله
لو مكنتش احب اخويا اللي انا شايفه بالعيان
يبقي ازاي احب ربي اللي عرفته بالإيمان
____________________
* كلمات: مايكل سامي مع مايكل عياد - ألحان: مايكل عياد - ترنيم: مريم حلمي - سارة معروف - مارفي صموئيل - مينا قرياقوص - مايكل عياد - ميشيل طلعت.
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/baa/benheb.html
تقصير الرابط:
tak.la/ht6vhng