كلمات ترنيمة أول كلام المسيح كان للبشر *

تنسيق مختلف من موقع الأنبا تكلا

اول كلام المسيح كان للبشر بركات اول كلام للمسيح كان للبشر بركات

طيب خواطرهم وريح ضمايرهم

قال المسيح يا سعادة المساكين يا بخت كل حزين يا بخت كل رحيم

يا بخت كل امين خاضع لروح الرب

قال المسيح يا بخت من يحفظ طهارة القلب يا بخت من يسمع كلام الرب ويعيش حياته بالوفاق والحب قال المسيح يا بخت من اخلص لإيمانه

وشاف الصعب واللي انطرح

واللي انضرب واللي اتشتم واتسب هيلاقي اجرة كبير أكبر كتير من العذاب والضرب قال المسيح الذنب مش بس إرتكاب الشر ده كفايه بس إنك تفكر فيه

او جوة قلبك تبتديه تبقى ارتكبت الشر في قلبك

حتى إن قدرت عن العيون تخفيه دا الرب عارف وشايف كل اللي بتداريه وبتخبيه السرقة بس مش تاخد حاجة من بيت جارك او تغتصب أي شئ ما يكونش من مالك لكن كفايه انك تفكر فيه او جوة قلبك تشتهيه تبقى ارتكبت الشر

في قلبك والرب عارف كل ما تخفيه

قال المسيح الحب اكبر كتير من كل شئ فاني الحب هو الله الحب رباني الحب اكبر بالمظاهر والكلام الحب اكبر من العداوة ومن الخصام

والعين بالعين والسنه بالسنه مش هو ده الحل الصحيح مش هي دي روح المسيح الحل مش في الأنتقام الحل في حب المسيح تبني جسور الحب وتعلي السلام

قال المسيح حب القريب حب الغريب حب اللي بيفيدك حب القريب حب الغريب حب اللي بيضرك

سامح وسلم للإله امرك وافتح مكان للحب في قلبك قال المسيح بالحب ربك شوف شوف المثل واتعلم أرفع عينيك وشوف تلقى السما بتتكلم الرب أدى الشمس والأقمار الرب أدى الميه والانهار مش بس للصالح بيدي الخير عطاياه لكل البشر مش بس للأبرار يفيض بخيره كمان حتى ع الأشرار إذا كنت عايز تكون أبن السما اتعلم شوف المسيح المثل والقدوة واتعلم كان المسيح السلام والحب والبسمه كان المسيح السماح والحب والرحمه كان المسيح الرضا والحب والنعمه كان المسيح ترنيمه شفافه وفي المسيح الحب يتكلم

قال المسيح في ناس بتصوم علشان تبان علشان تبان وتصلي في الشارع وتصلي في الميدان في الزحمه بس بيقدموا الإحسان وكل دا مش عباده دي منظره وإعلان ليه يا شهود اليهود تتمشوا في الأركان وتصلوا في الشارع وتصلوا في الميدان وإن صومتوا يوم تعملوا قبل الصيام إعلان وحتى فعل الخير والرحمه والإحسان بتعملوا في العلن والأصل فيه ادمان قال المسيح إن صمت يوم خلي صيامك في سرك خلي الصيام والصلاه بينك وبين ربك وأدي الفقير وإحسن إليه في سرك وانكر جميلك وخيرك حتى عن نفسك

قال المسيح أرفع عينيك للسما وأطلب ما تحتاجه وكل من يسأل سؤال أديه ما يحتاجه وكل من يطلب طلب يلقى ما يحتاجه وكل من يلجأ لذاتي وينتظر افتح مخازن نعمتي ياخد ما يحتاجه